Air Force Officer Recruitment: अभियंत्यांसाठी मोठी संधी निर्माण झाली आहे. भारतीय हवाई दलात तांत्रिक शाखेतील अधिकारी कॅडर भरती प्रक्रियेत बदल करत नवी योजना जाहीर करण्यात आली आहे.

भारतीय वायुसेनेत अधिकारी होण्याचे स्वप्न पाहणाऱ्या तरुणांसाठी मोठी संधी उपलब्ध झाली आहे. AFCAT 02/2026 भरतीची अधिकृत अधिसूचना जाहीर करण्यात आली असून 20 मे 2026 पासून अर्ज प्रक्रिया सुरू झाली आहे. या भरतीमध्ये अभियांत्रिकी पदवीधारक उमेदवारांसाठी GATE स्कोअरच्या आधारे थेट निवडीची नवी संधी उपलब्ध करून देण्यात आली आहे. फ्लाइंग आणि ग्राउंड ड्युटी (टेक्निकल) शाखांमधील अधिकारी पदांसाठी ही भरती प्रक्रिया राबवली जाणार आहे. इच्छुक उमेदवार अधिकृत वेबसाइट afcat.edcil.co.in वर जाऊन अर्ज करू शकतात.

हेही वाचा: UGC NET करेक्शन विंडो सुरू; ‘या’ तारखेपर्यंत करता येणार सुधारणा, उमेदवारांसाठी शेवटची संधी!

फ्लाइंग ब्रँचसाठी पात्रता

फ्लाइंग ब्रँचसाठी उमेदवाराने 12वीमध्ये गणित आणि भौतिकशास्त्र विषयांसह उत्तीर्ण असणे आवश्यक आहे. तसेच उमेदवाराकडे कोणत्याही शाखेतील पदवी (किमान 3 वर्षांची) किंवा BE/B.Tech पदवी असणे आवश्यक आहे. अॅरोनॉटिकल सोसायटी ऑफ इंडियाचे Section A आणि B उत्तीर्ण उमेदवारही पात्र ठरतात.

टेक्निकल ब्रँच पात्रता

या शाखेसाठी उमेदवाराकडे 12वीमध्ये गणित आणि भौतिकशास्त्र विषय असणे आवश्यक आहे. तसेच संबंधित विषयातील बीएससी/एमएससी (भौतिकशास्त्र, इलेक्ट्रॉनिक्स) किंवा 4 वर्षांची इंजिनिअरिंग/टेक्नॉलॉजी पदवी आवश्यक आहे.

अॅरोनॉटिकल इंजिनिअर (Mechanical) पात्रता

या पदासाठीही 12वीमध्ये गणित आणि भौतिकशास्त्र विषय अनिवार्य आहेत. यासोबतच उमेदवाराकडे 4 वर्षांची इंजिनिअरिंग/टेक्नॉलॉजी पदवी किंवा AMIE तसेच अॅरोनॉटिकल सोसायटी ऑफ इंडियाचे Section A आणि B पूर्ण असणे आवश्यक आहे.

GATE स्कोअरद्वारे थेट निवड

तांत्रिक शाखेतील काही पदांसाठी वैध GATE स्कोअरच्या आधारे उमेदवारांना थेट AFSB मुलाखतीसाठी बोलावले जाते. या पद्धतीत लेखी AFCAT परीक्षा द्यावी लागत नाही. उमेदवाराकडे संबंधित इंजिनिअरिंग शाखेतील BE/B.Tech पदवी आणि वैध GATE स्कोअर असणे आवश्यक आहे. हा स्कोअर मागील काही वर्षांसाठी वैध मानला जातो.