Amrapali Dubey: भोजपुरी अभिनेत्री आम्रपाली दुबे पुन्हा एकदा चर्चेत आल्या आहेत. लव्ह लाइफबद्दल बोलताना त्यांनी ‘पुरुष नकोच’ असं म्हणत एका अभिनेत्रीचं नाव घेतलं आणि त्यानंतर त्या हसू लागल्या.

भोजपुरी इंडस्ट्रीतील लोकप्रिय अभिनेत्री आम्रपाली दुबे आपल्या अभिनयासोबतच वैयक्तिक आयुष्यामुळेही नेहमी चर्चेत असतात. त्यांच्या आणि अभिनेता निरहुआ म्हणजेच दिनेश लाल यादव यांच्यातील कथित नात्याबाबत अनेकदा चर्चा रंगली आहे. मात्र, आता एका शोमध्ये आम्रपाली यांनी त्यांच्या लव्ह लाईफबद्दल केलेल्या वक्तव्यामुळे त्या पुन्हा चर्चेत आल्या आहेत.

हेही वाचा: सिब्बल म्हणतात नार्वेकरांचा निर्णय चुकीचा; नार्वेकरांचा पलटवार, ‘आरोप बिनबुडाचे’

वैयक्तिक आयुष्याबद्दल मोकळेपणाने संवाद

‘भोजपुरी बवाल’ या शोमध्ये आम्रपाली दुबे यांनी त्यांच्या वैयक्तिक आयुष्याबद्दल मोकळेपणाने संवाद साधला. यावेळी त्यांनी सांगितले की, सध्या त्यांना डेट करण्यासाठी कोणीही मिळत नाही. टीव्हीच्या सुरुवातीच्या काळात त्यांना खरे प्रेम झाले होते; मात्र त्या नात्यात त्यांचे मन दुखावले.

आम्रपाली यांनी गंमतीच्या अंदाजात म्हटले की, प्रेमात माझं मन अशा प्रकारे तुटलं की मला वाटलं, आता पुरुष नको. एखादी मुलगी शोधूया. मला काही अभिनेत्री खूप आवडतात.”

ही अभिनेत्री आवडते

यानंतर त्यांनी ‘दिशा’ नावाच्या एका अभिनेत्रीचा उल्लेख केला. ही अभिनेत्री बॉलिवूडची दिशा पटानी आहे की दुसरी कोणीतरी, याबाबत आम्रपाली यांनी स्पष्ट केले नाही. मात्र, दिशेबद्दल बोलताना त्यांनी मजेशीर अंदाजात म्हटले, ” दिशाला पाहिल्यावर मला वाटतं, माझ्या आयुष्याची दिशा कधीही बदलू शकते. ती मला खूप आवडते.”

आम्रपाली यांच्या या वक्तव्यानंतर शोमध्ये चांगलीच गंमत रंगली. त्यांना ‘लड़कीबाज’ म्हटल्यावर त्या जोरजोरात हसू लागल्या. त्यांच्या या मजेशीर वक्तव्यामुळे सोशल मीडियावरही चर्चेला उधाण येण्याची शक्यता आहे.

दरम्यान, शोमध्ये आम्रपाली यांनी निरहुआसोबतच्या कथित अफेअरच्या चर्चांवरही भाष्य केले. दोघांच्या जवळिकीबाबत अनेक वर्षांपासून चर्चा होत असली, तरी आम्रपाली यांनी या अफेअरच्या बातम्या चुकीच्या असल्याचे सांगितले. तसेच, निरहुआ यांचे घर त्यांनी तोडल्याच्या चर्चाही निराधार असल्याचे त्यांनी स्पष्ट केले.

आम्रपाली यांचे हे वक्तव्य त्यांच्या चाहत्यांसाठी नक्कीच आश्चर्यकारक आणि मनोरंजक ठरले आहे. मात्र, त्यांनी हे वक्तव्य प्रामुख्याने मजेशीर आणि हलक्या-फुलक्या अंदाजात केले असल्याचे त्यांच्या संवादाच्या संदर्भावरून दिसते.