Nagpur SBL Factory Blast | नागपुरमध्ये (Nagpur) एक मोठी दुर्घटना घडली आहे. नागपूर जिल्ह्यातील काटोल तालुक्यातील राऊळगाव येथे स्फोटकं बनवणारी एक कंपनी होती. या कंपनीत भीषण स्फोट (Blast) झाला असून या दुर्घटनेत 15 कामगारांचा दुर्दैवी मृत्यू झाला आहे. तर 18 कामगार गंभीर जखमी झाले आहेत. सध्या जखमी कामगारांना उपचारासाठी रूग्णालयात दाखल करण्यात आले आहे.

हेही वाचा – अजित पवार विमान अपघात, DGCA च्या प्राथमिक अहवालातून नवे खुलासे समोर

नागपुरच्या बारूद कंपनीत भीषण स्फोट

मिळालेल्या माहितीनुसार, राऊळगाव येथील बारूद कंपनीमध्ये भीषण स्फोट झाला आहे. या स्फोटात कंपनीत काम करणाऱ्या 15 कामगारांचा जागीच मृत्यू झाला आहे. ही दुर्घटना आज सकाळी (1 मार्च) 7 वाजताच्या सुमारास घडली आहे. तर या घटनेत अनेक कामगार जखमी झाले असून त्यांना उपचारासाठी तातडीनं नागपुरमध्ये हलवण्यात आले आहे.

कंपनीत स्फोट झाल्यानंतर भीषण आग लागली होती. त्यानंतर या घटनेची माहिती अग्निशमन दलाला देण्यात आली होती. तर सध्या अग्निशमन दल आणि बचाव पथकाडून घटनास्थळी मतदकार्य सुरू आहे.

दरम्यान, या स्फोटाचे नेमके कारण अद्याप स्पष्ट झालेले नाहीये. त्यामुळे सध्या पुढील तपास सुरू असून या घटनेची माहिती पालकमंत्री चंद्रशेखर बावनकुळे यांनी घेतली आहे. तसेच त्यांनी तात्काळ मदत करण्याचे निर्देश दिले आहे.