Ganesh Chaturthi 2026 Modak Recipes: गणरायाच्या आगमना सोबत घरात गोडवा आणण्यासाठी यंदा नेहमीच्या मोदकांपेक्षा काहीतरी हटके ट्राय करा. चव अशी की मुलांपासून मोठ्यांपर्यंत सगळेच पुन्हा पुन्हा मागतील.

गणरायाच्या आगमनाला आता अवघे काही दिवस उरले आहेत आणि घराघरांत बाप्पाच्या स्वागताची जोरदार तयारी सुरू झाली आहे. सजावट, आरास आणि नैवेद्याची लगबग सुरू असतानाच यंदा बाप्पासाठी काहीतरी खास बनवण्याचा विचार करत असाल, तर नेहमीच्या मोदकांपेक्षा हटके पर्याय नक्की ट्राय करा.

१४ सप्टेंबर २०२६ रोजी बाप्पाचे आगमन (Ganesh Chaturthi 2026) होणार असून, त्यांच्या आवडत्या मोदकांचा नैवेद्य हा गणेशोत्सवातील खास भाग असतो. यंदा मात्र पारंपरिक मोदकांसोबतच चवीला भन्नाट आणि दिसायलाही आकर्षक असे वेगवेगळे मोदक बनवून पाहा. हे मोदक बाप्पाला तर आवडतीलच, शिवाय घरातील मोठ्यांपासून चिमुकल्यांपर्यंत सगळेच पुन्हा पुन्हा मागतील.

चला तर मग, यंदाच्या गणेशोत्सवासाठी कोणते हटके मोदक ( Modak recipes) बनवता येतील आणि त्यांची रेसिपी कशी करायची, ते जाणून घेऊया.

हेही वाचा: काळी मारबत, पिवळी मारबत अन् बडगे… नागपूरची १४५ वर्षांची ‘रहस्यमय’ परंपरा नेमकी काय?

चॉकलेट मोदक (Chocolate Modak)

चॉकलेट म्हटलं की मुलांच्या चेहऱ्यावर आनंद येतो. त्यामुळे गणपतीच्या नैवेद्यासाठी यंदा चॉकलेट मोदक हा भन्नाट पर्याय ठरू शकतो. चॉकलेट, बिस्किट किंवा ड्रायफ्रूट्सचा वापर करून हे मोदक सहज तयार करता येतात.

ड्रायफ्रूट मोदक (Dry Fruit Modak)

काजू, बदाम, पिस्ता आणि खजूर यांसारख्या पौष्टिक पदार्थांचा वापर करून तयार केलेले ड्रायफ्रूट मोदक चवीसोबत आरोग्यासाठीही चांगले ठरतात. साखरेचा वापर कमी ठेवूनही हे मोदक स्वादिष्ट बनवता येतात. ( LS Marathi News Channel)

मावा मोदक (Mawa Modak )

मऊसूत आणि तोंडात विरघळणारे मावा मोदक गणेशोत्सवातील नैवेद्यासाठी उत्तम पर्याय आहेत. मावा, साखर आणि वेलचीची चव या मोदकांना खास बनवते. वरून बदाम-पिस्त्याची सजावट केल्यास ते दिसायलाही आकर्षक लागतात.

नारळ-गूळ मोदक (Coconut Jaggery Modak) 

पारंपरिक उकडीच्या मोदकांना हटके ट्विस्ट द्यायचा असेल तर नारळ आणि गुळाच्या सारणात थोडे ड्रायफ्रूट्स किंवा वेलची घालून पाहा. गुळाचा नैसर्गिक गोडवा आणि नारळाची चव मोदकांना अप्रतिम बनवते.

बिस्कीट मोदक (Bisket Modak)

नेहमीच्या उकडीच्या मोदकांपेक्षा यंदा काहीतरी झटपट आणि हटके बनवायचे असेल, तर बिस्कीट मोदक नक्की ट्राय करा. बिस्कीट आणि चॉकलेटची चव असल्यामुळे हे मोदक लहान मुलांना विशेष आवडतील. शिवाय हे बनवण्यासाठी जास्त वेळही लागत नाही.

यंदा कोणता मोदक करणार? (Special Modak Recipe)

गणेशोत्सवाच्या दिवसांत बाप्पाच्या नैवेद्यासाठी वेगवेगळ्या प्रकारचे मोदक बनवून पाहता येतील. विशेषतः मुलांना आवडणारे चॉकलेट किंवा ड्रायफ्रूट मोदक घरातील सगळ्यांच्या पसंतीस उतरू शकतात. त्यामुळे यंदा नेहमीच्या मोदकांसोबत एखादा हटके प्रकार नक्की करून पाहा आणि गणरायाच्या नैवेद्याची रंगत आणखी वाढवा.