Ajit Pawar dies : काल राज्याचे दिवंगत उपमुख्यमंत्री अजित पवार यांच्या विमान अपघाताचा DGCA कडून प्रथम अहवाल सादर करण्यात आला असून यामध्ये अपघाताची कारणे स्पष्ट करण्यात आले आहेत. यातील काही करणांमुळे काँग्रेसचे जेष्ठ नेते विजय वडेट्टीवार यांनी मोठे विधान केलं आहे. हेच नाही तर अजित पवार यांचा 100 टक्के घातपात करण्यात आल्याचा दावा विजय वडेट्टीवार यांनी केला. विजय वडेट्टीवार यांनी म्हटलंय की, या अहवालात सांगितले की, विमान एका झाडाला धडकले आणि खाली कोसळले. अशी तकलादू थेरी देत असतील तर स्पष्ट होते की, अजित पवार यांचा अपघात नाही तर 100 टक्के घातपात आहे, असं त्यांनी म्हटलं आहे.

विमान अपघाती मृत्यूला काल एक महिना पूर्ण

अजित पवार यांच्या विमान अपघाती मृत्यूला काल एक महिना पूर्ण झाला. या महिन्याभरात अनेकांच्या मनात घातपाताचे काहूर माजले होते. आमदार रोहित पवार यांनी तर अनेक पत्रकार परिषदा घेऊन हा कसा घातपात आहे, याचे कागदोपत्री पुरावे दिले. अजित पवार यांच्या विमान अपघातानंतर अनेक संशय व्यक्त केली जात असतानाच काल अहवाल पुढे आला. अजित पवार यांच्या विमान अपघाताची काही कारणे स्पष्टपणे देण्यात आली. यासोबतच अहवालात सर्वात महत्वाचे स्पष्ट करण्यात आले की, पायलटची शेवटी शब्द नक्की काय होती.

एकही व्यक्ती या अपघातात जिवंत राहू शकली नाही

राज्याचे उपमुख्यमंत्री अजित पवार मुंबईहून बारामतीकडे जात असताना त्यांच्या विमानाची भीषण अपघात झाला. विमानातील एकही व्यक्ती या अपघातात जिवंत राहू शकली नाही. 28 जानेवारी 2026 रोजी अजित पवार मुंबईहून बारामतीकडे निघाले होते. सकाळी 8 वाजून 45 मिनिटाला अजित पवार यांच्या विमानाचा भीषण अपघात झाला. या विमान अपघाताचे काही व्हिडीओ देखील पुढे ज्यामध्ये अजित पवार यांचे विमान एका बाजूला झुकताना स्पष्टपणे दिसत होते. रोहित पवार यांच्याकडून अजित पवार यांच्या विमान अपघातानंतर संशय व्यक्त करण्यात आला. रोहित पवार यांनी थेट एफआयआर दाखल करण्यासाठी प्रयत्न केली पण एफआयआर दाखल होऊ शकली नाही. अजित पवार यांच्या विमान अपघातानंतर चौथ्या दिवशी सुनेत्रा पवार यांनी उपमुख्यमंत्रिपदाची शपथ घेतली.

22 पानांच्या या अहवालातून धक्कादायक माहिती समोर

सुनेत्रा पवार यांनी फक्त उपमुख्यमंत्रिपदाची शपथच नाही तर पक्षाची धुराही आपल्या हाती घेतली. अजित पवार यांच्या विमान अपघातानंतर एका महिन्याने आता या अपघाताचा प्राथमिक चौकशी अहवाल समोर आला आहे. अजित पवारांच्या विमानाचा अपघात कसा याबाबत माहिती देण्यात आली आहे. 22 पानांच्या या अहवालातून धक्कादायक माहितीही समोर आली आहे. विमान जमिनीवर आदळण्यापूर्वी ते एका झाडावर कोसळले असल्याचे अहवालात स्पष्ट सांगण्यात आले.