Stock Market Watch : बुधवारी सकाळी दलाल स्ट्रीट गर्दीनं भरलेलं होतं, परंतु गुंतवणूकदारांच्या चेहऱ्यावर चिंतेचं सावट स्पष्टपणे दिसून येत होतं. जागतिक बाजारपेठेतील अस्थिरता आणि देशांतर्गत आर्थिक संकेतांमुळं भारतीय शेअर बाजार घसरणीचा कल सुरुच आहे. आठवड्याच्या मध्यात सेन्सेक्स आणि निफ्टी दोन्ही महत्त्वपूर्ण पातळींपेक्षा खाली घसरले, ज्यामुळं गुंतवणूकदार गोंधळले.

किती शेअर्स घसरले :

आज सकाळी, सेन्सेक्स 150.32 अंकांनी घसरुन 83,477.37 वर उघडला, तर निफ्टी 36.85 अंकांनी घसरुन 25,969.45 वर बंद झाला. बाजारात वाढत्या आणि घसरणाऱ्या शेअर्समध्ये घट्ट स्पर्धा दिसून आली. आकडेवारीनुसार, अंदाजे 1100 शेअर्स हिरव्या रंगात व्यवहार करत होते, तर 1044 शेअर्स लाल रंगात व्यवहार करत होते आणि 145 शेअर्स अपरिवर्तित राहिले.

टॉप गेनर आणि लॉसर्स शेअर्स कोणते :

ओएनजीसी, कोल इंडिया, इन्फोसिस, हिंडाल्को आणि एनटीपीसी टॉप गेनरमध्ये होते, ज्यामुळे बाजारात पुढील घसरण रोखण्यास मदत झाली. कोटक महिंद्रा बँक, डॉ. रेड्डीज लॅब्स, एशियन पेंट्स, मॅक्स हेल्थकेअर आणि टेक महिंद्रा हे घसरले, विक्रीचा दबाव दिसून आला.

गुंतवणूकदारांचं तिसऱ्या तिमाहीच्या निकालांवर लक्ष :

गुंतवणूकदार आता तिसऱ्या तिमाहीच्या निकालांवर लक्ष ठेवून आहेत. उद्या, 15 जानेवारी रोजी जिओ फायनान्शियल सर्व्हिसेस, एचडीएफसी लाइफ, एल अँड टी टेक्नॉलॉजी सर्व्हिसेस आणि एंजल वन सारख्या प्रमुख कंपन्या त्यांचे तिमाही निकाल जाहीर करतील. आलोक इंडस्ट्रीज, डेल्टा कॉर्प आणि साउथ इंडियन बँकेच्या निकालांवरही बाजार बारकाईनं लक्ष ठेवेल. तज्ञांचं म्हणणं आहे की चालू असलेल्या दबावामुळं आणि जागतिक संकेतांमुळं बाजारात चढ-उतार होत राहू शकतात. गुंतवणूकदारांना त्यांचे गुंतवणूक निर्णय सुज्ञपणे आणि दीर्घकालीन दृष्टिकोनातून घेण्याचा सल्ला दिला जातो.