Dixit Solanki Died In Drone Attack | मागील काही दिवसांपासून अमेरिका (America), इस्त्रायल (Israel) आणि इराण (Iran) या देशांमध्ये चांगलंच युद्ध (War) पेटलं आहे. या युद्धामध्ये तिन्ही देशांचं मोठ्या प्रमाणात नुकसान झालं आहे. तर आता या युद्धाची झळ भारतालाही लागली आहे. धक्कादायक म्हणजे या युद्धामुळे मुंबईचे (Mumbai) मोठे नुकसान झाले आहे. कारण या युद्धात मुंबईतील एका तरूणाचा दुर्दैवी मृत्यू झाला आहे.

हेही वाचा – “बाप कशाला काढता…”, विधानभवनात हायव्होलटेज ड्रामा, दोन आमदार एकमेकांना भिडले

ओमानच्या मस्कत किनारपट्टीजवळ असलेल्या गल्फ ऑफ ओमानमध्ये एका मालवाहू ऑईल टँकरवर ड्रोन हल्ला झाला. या हल्ल्यात मुंबईतील कांदिवली येथीस रहिवासी दीक्षित सोलंकी (Dixit Solanki) (25 वय) याचा दुर्दैवी मृत्यू झाला आहे.

दीक्षित सोलंकी हा ‘MKD Vyom’ या मार्शल आयलंड्स ध्वज असलेल्या ऑईल टँकरवर क्रू मेंबर म्हणून काम करत होता. तर ओमानच्या मस्कत किनारपट्टीच्या सुमारे 52 नॉटिकल मैल अंतरावर असलेल्या या टँकरवर स्फोटकांनी भरलेल्या ड्रोनचा हल्ला झाला. यामुळे भीषण स्फोट होत दीक्षितचा दुर्दैवी अंत झाला. या घटनेमुळे मुंबईकरांना मोठा धक्का बसला आहे.