MPSC Result 2024: महाराष्ट्र लोकसेवा आयोगाने (MPSC) राज्यसेवा मुख्य परीक्षा २०२४ चा अंतिम निकाल काल ८ एप्रिल २०२६ रोजी जाहीर झाला आहे. यात सोलापूरचे सुपुत्र विजय लामकाने राज्यात पहिला क्रमांक पटकावला, तर महिलांमध्ये आरती जाधव प्रथम क्रमांक मिळवला आहे.

महाराष्ट्र लोकसेवा आयोगाने (MPSC) राज्यसेवा मुख्य परीक्षा २०२४ चा अंतिम निकाल ८ एप्रिल २०२६ रोजी अधिकृत संकेतस्थळा mpsc.gov.in वर जाहीर केला आहे. या निकालानुसार विविध २० संवर्गांतील एकूण ४६१ पदांसाठी उमेदवारांची शिफारस करण्यात आली आहे.

आणखी वाचा: आला रे आला, बजेटमध्ये फोन आला! AI+ Nova 2 सिरीज भारतात लॉन्च; दमदार फीचर्स अन् किंमत फक्त ८…

या परीक्षेत सोलापूर जिल्ह्याचे विजय नागनाथ लामकाने यांनी राज्यात प्रथम क्रमांक पटकावला आहे. तर आरती परमेश्वर जाधव यांनी महिलांमध्ये प्रथम स्थान मिळवले आहे.

दीर्घ प्रतिक्षेनंतर निकाल जाहीर

राज्यसेवा परीक्षेचा अंतिम निकाल (MPSC Result 2024) उशिरा लागल्यामुळे अनेक उमेदवारांच्या मुलाखती व पुढील प्रक्रिया रखडल्या होत्या. अखेर आयोगाने निकाल जाहीर केल्याने उमेदवारांना मोठा दिलासा मिळाला आहे.

गुण आणि कट-ऑफ संकेतस्थळावर उपलब्ध

आयोगाने अंतिम निकालासोबतच प्रत्येक प्रवर्गातील शेवटच्या शिफारसपात्र उमेदवारांचे गुण (कट-ऑफ) देखील जाहीर केले आहेत. उमेदवारांना त्यांचे वैयक्तिक गुण त्यांच्या प्रोफाइलमध्ये पाहता येणार आहेत.

नियुक्तीपूर्व अटी आणि पडताळणी

शिफारसपात्र उमेदवारांची निवड ही त्यांच्या अर्जातील माहिती आणि मूळ प्रमाणपत्रांच्या पडताळणीच्या अधीन राहणार आहे. अर्जातील माहिती चुकीची किंवा अपूर्ण आढळल्यास उमेदवारी कोणत्याही टप्प्यावर रद्द केली जाऊ शकते.

काही उमेदवारांचा निकाल प्रलंबित

वैद्यकीय तपासणी पूर्ण न केलेल्या उमेदवारांचा निकाल अंतिम यादीत समाविष्ट करण्यात आलेला नाही. तसेच, काही प्रकरणे न्यायालयीन प्रक्रियेत असल्याने निकाल संबंधित न्यायनिर्णयाच्या अधीन ठेवण्यात आला आहे.