National Flag Unfurled Underwater : भारतानं पाण्याखाली 2400 चौरस मीटर लांबीचा भारतीय ध्वज फडकवून एक अनोखा पराक्रम केला आहे. अंदमान आणि निकोबार बेटांनी पाण्याखाली सर्वात मोठा भारतीय राष्ट्रध्वज फडकवल्याबद्दल गिनीज वर्ल्ड रेकॉर्डमध्ये प्रवेश केला आहे. हा विक्रम राधानगर बीचवर नोंदवला गेला, जिथं नौदल, पोलीस आणि इतर संस्थांच्या कर्मचाऱ्यांसह 223 डायव्हर्सच्या पथकानं ही मोहीम यशस्वीरीत्या पूर्ण केली.

हेही वाचा : गॅस संकटात मोठा दिलासा! 45,000 टन गॅस घेऊन ‘सर्व शक्ती’

राष्ट्रगौरवाचे प्रदर्शन :

ही कामगिरी अचूकता, धैर्य आणि राष्ट्रगौरवाचे प्रदर्शन म्हणून पाहिली जात आहे. या पराक्रमावर प्रतिक्रिया देताना, भारतीय जनता पक्षाने (भाजपा) म्हटले आहे की, या विक्रमी कामगिरीमुळं देश यशाची व्याख्याच बदलत आहे. पाण्याखाली फडकवण्यात आलेल्या ध्वजाची लांबी 60 मीटर आणि रुंदी 40 मीटर आहे.

गिनीज वर्ल्ड रेकॉर्डमध्ये प्रवेश :

भारत केवळ यशच मिळवत नाही, तर त्याची व्याख्याही बदलत आहे. एका अभूतपूर्व आणि अद्वितीय कामगिरीमध्ये, अंदमान आणि निकोबार बेटांनी पाण्याखाली सर्वात मोठा भारतीय राष्ट्रध्वज फडकवून गिनीज वर्ल्ड रेकॉर्डमध्ये प्रवेश केला आहे. लाटांखालील हे अचूकता, धैर्य आणि राष्ट्रीय अभिमानाचे एक प्रभावी प्रदर्शन आहे. हा केवळ एक विक्रम नाही, तर सतत आपल्या सीमा विस्तारणाऱ्या राष्ट्राचे हे प्रतिबिंब आहे.

केंद्रीय मंत्र्यांनी केली प्रशंसा :

याबाबत भाजपानं X वर पोस्ट करत लिहिलं की, “पंतप्रधान नरेंद्र मोदी यांच्या नेतृत्वाखाली, भारत एकेकाळी अशक्य वाटणारी कामगिरी सातत्यानं करत आहे आणि जगाचं लक्ष वेधून घेणारे मापदंड स्थापित करत आहे.” केंद्रीय मंत्री गजेंद्र सिंह शेखावत यांनीही प्रतिक्रिया देताना म्हटलं, “अंदमान समुद्राच्या खोल पाण्यात सर्वात मोठ्या तिरंग्यानं आपली भव्यता दाखवत एक जागतिक विक्रम प्रस्थापित केला आहे.”