Workplace Love Relationship: ऑफिसमधील प्रेमसंबंध आता सामान्य झाले आहेत. सहकाऱ्यांमधील मैत्रीचे प्रेमात रूपांतर होणे ही आजकालची एक सर्वसामान्य बाब बनली आहे. मात्र या नात्यांपैकी किती टक्के नाती विवाहपर्यंत पोहोचतात, हा उत्सुकतेचा विषय आहे.

आजच्या कॉर्पोरेट जगात ऑफिस हे केवळ कामाचे ठिकाण राहिले नसून, अनेकांसाठी नातेसंबंध जुळण्याचेही ठिकाण बनले आहे. सहकाऱ्यांसोबत दररोजचा संवाद, एकत्र कामाचा ताण आणि वेळ घालवल्यामुळे अनेक वेळा मैत्रीचे रूपांतर प्रेमात होते. मात्र अशा नात्यांपैकी किती नाती खरंच विवाहापर्यंत पोहोचतात, याबाबत एक रंजक सर्वेक्षण समोर आले आहे.

हेही वाचा: NEET पेपर कसा अन् कुठून लीक झाला? जाणून घ्या A टू Z संपूर्ण माहिती

Workplace Romance किती सामान्य आहे?

अहवालानुसार, फोर्ब्स (Forbes) च्या वर्कप्लेस रोमान्स सर्व्हेमध्ये असे आढळले आहे की सुमारे ६० % लोकांनी त्यांच्या आयुष्यात कधी ना कधी ऑफिसमधील प्रेमसंबंध अनुभवले आहेत. म्हणजेच वर्कप्लेसमध्ये प्रेमसंबंध ही आता दुर्मिळ गोष्ट राहिलेली नाही.

त्याच सर्वेक्षणानुसार, सुमारे ४३ % लोकांचे ऑफिसमध्ये सुरू झालेले नाते पुढे जाऊन विवाहापर्यंत पोहोचल्याचेही समोर आले आहे.

ऑफिसमधील नात्यांची वाढ का होते?

सर्वक्षणातील ६६ ते ६७ % लोकांनी सांगितले की, दररोज एकत्र काम केल्यामुळे आणि एकमेकांना चांगले समजून घेण्याची संधी मिळाल्यामुळे नाते तयार होणे सोपे जाते.

तर ६०% लोकांचे म्हणणे आहे की, व्यस्त कामकाजामुळे बाहेर नवीन लोकांना भेटण्याची संधी कमी मिळते, त्यामुळे सहकाऱ्यांशीच जवळीक वाढते.

ऑफिसमधील सहकारी एकमेकांचा ताण, जबाबदाऱ्या आणि दैनंदिन कामकाज जवळून समजतात, त्यामुळे भावनिक बंध पटकन तयार होतो.

वर्कप्लेस रोमान्सची आव्हानेही कमी नाहीत

सर्वेक्षणात असेही दिसून आले की ऑफिसमधील नात्यांमध्ये काही अडचणीही निर्माण होतात. अशा नात्यांमध्ये असलेल्या लोकांना ब्रेकअपची भीती १७% अधिक असल्याचे समोर आले आहे.

याशिवाय, सुमारे ५४% लोकांनी मान्य केले की अशा नात्यांमुळे काम आणि वैयक्तिक आयुष्य यातील समतोल राखणे कठीण होते.

ऑफिसमधील नात्यांचा कामाच्या वातावरणावर परिणाम

अनेक प्रतिसादकांनी सांगितले की अशा नात्यांमुळे ऑफिसमधील वातावरणावरही परिणाम होतो.

५३% लोकांनी सहकाऱ्यांच्या वागणुकीत बदल झाल्याचे सांगितले
५५% लोकांनी पक्षपात किंवा प्राधान्य दिले जाण्याची शक्यता व्यक्त केली
काही ठिकाणी कुजबुज आणि मत्सराचे वातावरण निर्माण झाल्याचेही समोर आले
तरीही अनेक नाती टिकतात

अडचणी असूनही अनेक ऑफिसमधील नाती दीर्घकाळ टिकतात आणि विवाहापर्यंत पोहोचतात. त्यामुळेच आजही अनेक लोक आपला जीवनसाथी पहिल्यांदा ऑफिसमध्येच भेटल्याचे सांगतात.

वर्कप्लेस रोमान्स (workplace romance) हा आधुनिक जीवनशैलीचा एक भाग बनला असून, त्याचे फायदे आणि आव्हाने दोन्ही तितकेच महत्त्वाचे आहेत.