IPL 2026: IPL 2026 दरम्यान मैदानाबाहेरही एका युवा स्टारची जोरदार चर्चा रंगली आहे. पंजाब किंग्सच्या या खेळाडूने सोशल मीडियावर शर्टलेस फोटो शेअर करत त्याच्या फिटनेसबाबत सुरू असलेल्या अफवांना सडेतोड उत्तर दिलं आहे.

गेल्या काही दिवसांपासून सोशल मीडियावर या खेळाडूबाबत दावा केला जात होता की, IPLच्या या हंगामात त्याचं वजन वाढलं असून फिटनेस घसरल्यामुळे पंजाब किंग्सच्या पराभवाला तोच जबाबदार आहे. या चर्चांवर पूर्णविराम देण्यासाठी 25 वर्षीय विकेटकीपर-फलंदाजाने इंस्टाग्राम स्टोरीवर स्वतःचा शर्टलेस फोटो पोस्ट केला. फोटोसोबत त्याने ‘शश’ इमोजी वापरत ट्रोलर्सना अप्रत्यक्ष इशारा दिला.

पंजाब किंग्सचं अधिकृत स्पष्टीकरण

वाद वाढताच पंजाब किंग्स फ्रँचायझीनेही अधिकृत भूमिका घेतली. टीमने सोशल मीडिया प्लॅटफॉर्म ‘X’ वर पोस्ट करत फेक न्यूज आणि चुकीच्या माहितीचा निषेध केला. “खेळातील टीका, मतं आणि विनोद मान्य आहेत, पण फक्त एंगेजमेंटसाठी बनावट कथा पसरवणं चुकीचं आहे,” असं टीमने स्पष्ट केलं.

प्रीती झिंटाचीही प्रतिक्रिया

टीमची सह-मालकीण आणि अभिनेत्री Preity Zinta हिनेही या प्रकरणावर भाष्य केलं. मीडिया आणि व्हेरिफाइड अकाउंट्सनी जबाबदारीने रिपोर्टिंग करावं, असं सांगत चुकीची माहिती पसरवणाऱ्यांना इशारा दिला.

IPL 2026 मधील कामगिरी

या खेळाडूने IPL 2026 ची सुरुवात शानदार केली होती. पहिल्या सात डावांत चार अर्धशतकं झळकावत त्याने संघाला सलग विजय मिळवून देण्यात महत्त्वाची भूमिका बजावली. मात्र, अलीकडच्या काही सामन्यांमध्ये त्याची कामगिरी घसरली असून टीमलाही सलग पराभवांचा सामना करावा लागला आहे. यानंतरच सोशल मीडियावर फिटनेसबाबत चर्चा सुरू झाली.