Cancer Medicine Price Reduction : कर्करोगाच्या उपचारांसाठी मोठा खर्च करावा लागणाऱ्या रुग्णांना दिलासा मिळण्याची शक्यता आहे. कर्करोगविरोधी १३७ औषधांच्या किमती कमी होणार असल्याची माहिती समोर आली असून, ९ नोव्हेंबरपासून या औषधांचे नवे दर लागू होणार असल्याचे सांगितले जात आहे.

कर्करोगावरील उपचारांचा खर्च मोठा असल्याने रुग्ण आणि त्यांच्या कुटुंबीयांवर आर्थिक ताण येतो. अशा परिस्थितीत केंद्र सरकारने १३७ कर्करोगविरोधी औषधांच्या किमती कमी करण्याच्या दिशेने महत्त्वाचे पाऊल उचलले आहे. या औषधांच्या सुधारित कमाल किरकोळ किमती (MRP) ९ नोव्हेंबर २०२६ पासून (9 November)लागू होणार असल्याचे सांगितले जात आहे. या निर्णयामुळे कर्करोग रुग्णांना उपचारांच्या खर्चात दिलासा मिळण्याची अपेक्षा आहे.

औषधांच्या किमतींवर नियंत्रण

कर्करोग (cancer patient)रुग्णांना आर्थिक दिलासा देण्यासाठी राष्ट्रीय औषध किंमत निर्धारण प्राधिकरणाने (NPPA) निवडक १३७ कर्करोगविरोधी औषधांच्या व्यापार नफ्यावर ३० टक्क्यांची मर्यादा निश्चित केली आहे.  या निर्णयामुळे संबंधित औषधांच्या किमती कमी (rates) होण्याची शक्यता आहे. औषधांच्या सध्याच्या किमती आणि व्यापार नफ्याच्या रचनेनुसार काही औषधांच्या किमती ७० टक्क्यांपर्यंत कमी होऊ शकतात. मात्र, सर्व औषधांच्या किमती समान प्रमाणात कमी होतीलच असे नाही.

विविध प्रकारच्या कर्करोगावरील औषधांचा समावेश

या यादीत स्तनाचा, प्रोस्टेट, कोलन, अंडाशय आणि गर्भाशयाच्या मुखाचा कर्करोग (different type of cancer) यांसारख्या आजारांच्या उपचारांसाठी वापरल्या जाणाऱ्या काही औषधांचा समावेश आहे. तसेच, काही इम्युनोथेरपी औषधांचाही या निर्णयात समावेश असल्याचे सांगितले जात आहे. त्यामुळे संबंधित औषधांचा नियमित वापर करणाऱ्या रुग्णांना खर्चात बचत होण्याची शक्यता आहे.

औषध कंपन्यांना सुधारित दर सादर करण्याचे निर्देश

औषध उत्पादक ( Medicine Production) कंपन्यांना सुधारित कमाल किरकोळ किमतींची माहिती NPPA कडे सादर करण्यास सांगण्यात आले आहे. सुधारित दर लागू झाल्यानंतर संबंधित औषधे नव्या किमतींनुसार उपलब्ध होणे अपेक्षित आहे. त्यामुळे रुग्णांनी औषधे खरेदी करताना पॅकवरील कमाल किरकोळ किंमत तपासणे महत्त्वाचे ठरणार आहे.

नव्या किमती कुठे तपासता येतील?

कर्करोगावरील उपचारांसाठी औषधे खरेदी करणाऱ्या रुग्णांना आणि त्यांच्या नातेवाइकांना NPPA च्या अधिकृत वेबसाइटवर किंवा ‘Pharma Sahi Daam’ ॲपवर औषधांच्या ( website or application) किमती तपासता येतील. या निर्णयामुळे उपचारांचा आर्थिक भार काही प्रमाणात कमी होण्यास मदत होऊ शकते. मात्र, प्रत्येक औषधाची सुधारित किंमत आणि प्रत्यक्ष बचत वेगवेगळी असू शकते.

हेही वाचा : H-1B व्हिसावर ट्रम्प प्रशासनाचा मोठा निर्णय; एक लाख डॉलर शुल्काची मुदत वाढली, भारतीयांवर काय परिणाम?