bjp funding : देशातील अनेक देणगीदारांनी दिलेल्या देणग्यांमुळे केंद्रातील भारतीय जनता पक्ष (bhartiya janta party) मालामाल झाला आहे. असोसिएशन फॉर डेमोक्रॅटिक रिफॉर्म्सच्या (Association for Democratic Reforms report) नव्या अहवालानुसार, आर्थिक वर्ष 2024-25 मध्ये भारतीय जनता पक्षाला ₹6,074 कोटींच्या देणग्या मिळाल्या. हा आकडा FY 2023-24 मधील ₹2,243 कोटींच्या तुलनेत सुमारे 171 टक्के वाढ दर्शवतो. या विश्लेषणानुसार, BJP ला जाहीर झालेल्या देणग्या या भारतीय राष्ट्रीय काँग्रेस (nationl congress),  आम आदमी पक्ष (aap), भारतीय कम्युनिस्ट पक्ष (मार्क्सवादी) (communist party of india (marxvadi),आणि नॅशनल पीपल्स पार्टी (nationl peoples party) या चार पक्षांच्या एकत्रित देणग्यांच्या सुमारे दहा पट आहेत.

हे ही वाचा: इराणचे नौदल कमांडर अलीरेझा तांगसीरी ठार?

ADR चा अहवाल

26 मार्च रोजी प्रसिद्ध झालेल्या ADR च्या अहवालात, आर्थिक वर्ष 2024-25 दरम्यान राष्ट्रीय राजकीय पक्षांना मिळालेल्या ₹20,000 किंवा त्यापेक्षा जास्त रकमेच्या देणग्यांचा आढावा घेण्यात आला आहे. ही माहिती पक्षांनी भारतीय निवडणूक आयोग (ECI) कडे सादर केलेल्या तपशीलांवर आधारित आहे.

माहिती निवडणूक आयोगाकडे

भारताचे राष्ट्रीय पक्ष म्हणजे BJP, काँग्रेस (INC), बहुजन समाज पक्ष, AAP, CPI(M) आणि NPEP. सर्व पक्षांनी त्यांच्या देणग्यांची माहिती निवडणूक आयोगाला दिली असली तरी BSP ने FY 2024-25 मध्ये ₹ 20,000 पेक्षा जास्त कोणतीही देणगी मिळाली नसल्याचे सांगितले आहे. गेल्या 19 वर्षांपासून ते हेच सांगत आहेत.

राजकीय निधी

FY 2024-25 मधील राजकीय निधी महत्त्वाचा मानला जातो, कारण भारताचे सर्वोच्च न्यायालय यांनी फेब्रुवारी 2024 मध्ये गुप्त देणग्यांना परवानगी देणारी इलेक्टोरल बाँड योजना रद्द केल्यानंतर हे पहिले पूर्ण आर्थिक वर्ष होते. “इलेक्टोरल ट्रस्ट” ही अनेक कंपन्यांनी स्थापन केलेली यंत्रणा असून ती राजकीय पक्षांना निधी वितरित करते.