Coal India MT Recruitment 2026: कोल इंडिया लिमिटेड (CIL) ने मॅनेजमेंट ट्रेनी (MT) भरती २०२६ साठी अर्ज करण्याची अंतिम तारीख वाढवली आहे. आता इच्छुक आणि पात्र उमेदवारांसाठी २१ जून २०२६ पर्यंत ऑनलाईन अर्ज करता येणार आहे. यामुळे आतापर्यंत अर्ज न करू शकलेल्या उमेदवारांना मोठा दिलासा मिळाला आहे.

सरकारी क्षेत्रातील प्रमुख कोळसा कंपनी असलेल्या कोल इंडिया लिमिटेडने हा निर्णय सर्व्हरवरील अतिरिक्त भार आणि तांत्रिक अडचणी लक्षात घेऊन घेतला आहे. अनेक उमेदवारांना वेळेत अर्ज करता न आल्यामुळे ही मुदत वाढ देण्यात आली आहे. तरी इच्छुक उमेदवार आता नव्या अंतिम तारखेपर्यंत अर्ज प्रक्रिया पूर्ण करू शकतात.

हेही वाचा: बाजारात अचानक मोठी घसरण! सोनं-चांदीचे दर कोसळले; जाणून घ्या आजचे ताजे दर

२१ जूनपर्यंत अर्ज करण्याची संधी

कोल इंडियाने स्पष्ट केले आहे की, मॅनेजमेंट ट्रेनी पदांसाठी ऑनलाइन अर्ज करण्याची अंतिम तारीख ११ जून २०२६ वरून वाढवून २१ जून २०२६ रोजी सायंकाळी ६ वाजेपर्यंत करण्यात आली आहे. इतर सर्व अटी आणि पात्रता निकष पूर्वीप्रमाणेच राहतील.

विविध पदांसाठी भरती

या भरती मोहिमेअंतर्गत, सिव्हिल, मेकॅनिकल, इलेक्ट्रिकल, सिस्टीम आणि जिओलॉजी यासह अनेक शाखांमध्ये ई-१ ग्रेड मॅनेजमेंट ट्रेनी पदांसाठी भरती केली जात आहे. कुशल आणि पात्र तरुणांना संधी देऊन संस्थेच्या विकासात त्यांचा सहभाग वाढवणे, हा कंपनीचा उद्देश आहे.

CBT परीक्षेद्वारे निवड प्रक्रिया

उमेदवारांची निवड राष्ट्रीय स्तरावरील संगणक आधारित चाचणी (CBT) द्वारे केली जाईल. परीक्षेत यशस्वी झालेल्या उमेदवारांना कागदपत्र पडताळणीसाठी बोलावले जाईल. त्यानंतर अंतिम निवड प्रक्रिया पूर्ण केली जाईल.

अर्ज कसा करावा?

उमेदवारांनी कोल इंडियाच्या www.coalindia.in अधिकृत वेबसाइटला भेट द्यावी आणि संबंधित भरती लिंकवर क्लिक करावे. अर्ज करण्यापूर्वी, वयोमर्यादा आणि शैक्षणिक पात्रता तपासा. आवश्यक कागदपत्रे, छायाचित्रे योग्य स्वरूपात अपलोड करून अर्ज शुल्क भरा. सर्व माहिती भरल्यानंतर, अर्ज सादर करा आणि त्याची प्रिंट किंवा डाउनलोड सुरक्षित ठेवा.