Devendra Fadnavis Royal Enfield: मुख्यमंत्री देवेंद्र फडणवीस यांनी विधानभवनात रॉयल एनफिल्ड बाईकवरून केलेली एंट्री सध्या राजकीय वर्तुळात चर्चेचा विषय ठरली आहे. पंतप्रधान नरेंद्र मोदी यांच्या इंधन बचत आणि काटकसरीच्या आवाहनाला प्रतिसाद म्हणून ही कृती करण्यात आल्याचे सांगितले जात आहे.

या घटनेनंतर काँग्रेसच्या खासदार वर्षा गायकवाड यांनी मुख्यमंत्र्यांच्या या कृतीवर टीका केली. सोशल मीडियावर त्यांनी संबंधित मोटरसायकलच्या कागदपत्रांबाबत प्रश्न उपस्थित करत “PUC प्रमाणपत्र” संदर्भात टिप्पणी केली.

So ‘Expired Maal’ is ok?

It appears that the Chief Minister chose a vehicle with an expired PUC for his #Austerity stunt.

Will @rtomumbaimh01 and @MTPHereToHelp take action? Will the @CMOMaharashtra respond? pic.twitter.com/VjgSU96UoX

— Prof. Varsha Eknath Gaikwad (@VarshaEGaikwad) May 14, 2026

हेही वाचा: महिलांना १५ लाखांपर्यंत बिनव्याजी कर्ज; जाणून घ्या अर्ज कुठे अन् कसा करावा

भाजपकडून तातडीने प्रत्युत्तर

या टीकेनंतर भाजपकडून तातडीने प्रत्युत्तर देण्यात आले. भाजप प्रवक्ते नवनाथ बन (Navnath Kamal Uttamrao Ban ) यांनी वर्षा गायकवाड यांच्या विधानांना उत्तर देताना ही टीका तथ्यांवर आधारित नसल्याचे सांगितले.

त्यांनी स्पष्ट केले की संबंधित वाहन हे पोलीस विभागाचे असून मुख्यमंत्र्यांनी ते वापरण्यापूर्वी आवश्यक ती सर्व प्रक्रिया पूर्ण करण्यात आली होती. वाहनाची सर्व्हिसिंग आणि तपासणीही आधीच करण्यात आली असल्याचे त्यांनी नमूद केले.

वर्षाताई,
सदर वाहन हे पोलिस विभागाचे आहे. ते स्वतः मुख्यमंत्री महोदय चालवणार असल्याने पोलिसांनी योग्य खबरदारी आधीच घेतली होती. काल त्याची सर्व्हिसिंग सुद्धा झाली.

वाहन प्रणालीवर 9 ते 18 मे पर्यंत कामकाज बंद असल्याने त्यांनी हे वाहन पर्यावरणीय दृष्ट्या सक्षम असल्याचे प्रमाणपत्र… https://t.co/C7DdV3dyKj pic.twitter.com/40G1t80SiY

— Navnath Kamal Uttamrao Ban (@NavnathBanBJP) May 14, 2026

भाजपच्या म्हणण्यानुसार, वाहनाच्या तांत्रिक तपासण्या आणि आवश्यक प्रमाणपत्रे आधीच वैध होती. त्यामुळे PUC संदर्भातील आरोप निराधार असल्याचे पक्षाने म्हटले आहे.

दरम्यान, या संपूर्ण प्रकरणावरून राजकीय आरोप-प्रत्यारोपांना उधाण आले असून सोशल मीडियावरही यावर विविध प्रतिक्रिया उमटत आहेत.