Virat Kohli Record : भारत आणि न्यूझीलंड क्रिकेट संघातील वदोडारा इथं खेळल्या गेलेल्या पहिल्या वनडे सामन्यात विराट कोहलीनं 93 धावांची खेळी करत इतिहास रचला. विराट कोहली आता आंतरराष्ट्रीय क्रिकेटमध्ये सर्वाधिक धावा करणारा दुसरा फलंदाज बनला आहे. दिल्लीच्या 37 वर्षीय उजव्या हाताच्या फलंदाजानं ही कामगिरी केली आणि श्रीलंकेचा माजी क्रिकेटपटू कुमार संगकाराला मागे टाकलं.

फक्त वनडे क्रिकेट खेळतो कोहली :

बडोद्याच्या बीसीए स्टेडियमवर खेळल्या जात असलेल्या भारत आणि न्यूझीलंड यांच्यातील पहिल्या वनडे सामन्यात, संगकाराच्या 28,019 धावांचा विक्रम ओलांडण्यासाठी कोहलीला 42 धावांची आवश्यकता होती. भारताच्या 301 धावांच्या पाठलागात त्यानं डावाच्या 19 व्या षटकात हा टप्पा गाठला. कोहलीनं 123 सामन्यांमध्ये 9230 धावा करुन आपली कसोटी कारकीर्द संपवली, तर टी-20 आंतरराष्ट्रीय क्रिकेटमध्ये त्यानं 125 सामन्यांमध्ये 4188 धावा केल्या. वनडे क्रिकेटमध्ये, कोहलीनं आतापर्यंत 309 सामन्यांमध्ये 14,600 हून अधिक धावा केल्या आहेत.

आंतरराष्ट्रीय क्रिकेटमध्ये सर्वाधिक धावा करणारे फलंदाज :

• सचिन तेंडुलकर – 34357 धावा
• विराट कोहली – 28030* धावा
• कुमार संगकारा – 28016 धावा
• रिकी पॉन्टिंग – 27483 धावा
• महेला जयवर्धने – 25957 धावा

विराटच्या पुढे फक्त सचिन :

आता, आंतरराष्ट्रीय क्रिकेटमध्ये सर्वाधिक धावा करणाऱ्या खेळाडूंच्या यादीत कोहलीच्या पुढं फक्त सचिन तेंडुलकर आहे. सचिन तेंडुलकरनं 1989 ते 2013 दरम्यान भारतासाठी एकूण 664 आंतरराष्ट्रीय सामने खेळले, ज्यामध्ये 34,357 धावा केल्या. 200 कसोटी सामन्यांमध्ये 15,921 धावा केल्या. वनडे क्रिकेटमध्ये, सचिननं 463 सामन्यांमध्ये 18,426 धावा केल्या. त्यानं 1 डिसेंबर 2006 रोजी दक्षिण आफ्रिकेविरुद्धचा एकमेव टी-20 आंतरराष्ट्रीय सामनाही खेळला, ज्यामध्ये तो 12 चेंडूत 10 धावा करुन बाद झाला.

गांगुलीलाही टाकलं मागे :

विराट कोहलीनं आतापर्यंत भारतासाठी 309 वनडे सामने खेळले आहेत. किंग कोहलीनं भारतीय संघासाठी 308 वनडे सामने खेळणाऱ्या माजी कर्णधार सौरव गांगुलीला मागे टाकलं आहे. राहुल द्रविड (340 सामने) आणि मोहम्मद अझरुद्दीन (334 सामने) हे देखील कोहलीच्या पुढं आहेत, ज्यांना कोहली भविष्यात मागे टाकू शकतो.

भारतासाठी सर्वाधिक वनडे सामने :

• 463 – सचिन तेंडुलकर
• 347 – महेंद्रसिंग धोनी
• 340 – राहुल द्रविड
• ३३४ – मोहम्मद अझरुद्दीन
• 309* – विराट कोहली
• 308 – सौरव गांगुली