Sensex Jumps 650 Points : सोमवारी देशांतर्गत शेअर बाजारात जोरदार तेजी दिसून आली. व्यवहार बंद होताना, बेंचमार्क बीएसई सेन्सेक्स 650.39 अंकांनी वाढून 83,277.15 वर बंद झाला. त्याचप्रमाणे, एनएसई निफ्टी 211.65 अंकांनी वाढून 25,682.75 वर बंद झाला. आजच्या सत्रात निवडक प्रमुख शेअर्सनी वाढ केली. मात्र, व्यापक बाजारानं प्रमुख निर्देशांकांपेक्षा कमी कामगिरी केली.

निफ्टीचे टॉप गेनर –

• पॉवर ग्रिड कॉर्पोरेशन ऑफ इंडिया
• कोल इंडिया
• एचडीएफसी बँक
• अदानी एंटरप्रायझेस
• अ‍ॅक्सिस बँक

निफ्टीचे टॉप लूजर्स –

टेक महिंद्रा

बजाज फायनान्स

मारुती सुझुकी

आयशर मोटर्स

महिंद्रा अँड महिंद्रा

क्षेत्रीय निर्देशांक स्थिती : क्षेत्रीय आघाडीवर, वीज, सार्वजनिक क्षेत्रातील बँका, रिअॅलिटी, खाजगी बँका, पायाभूत सुविधा, भांडवली वस्तू आणि ऊर्जा निर्देशांकांमध्ये 1-2% वाढ नोंदवली गेली. दुसरीकडे, मीडिया आणि ऑटो क्षेत्रांमध्ये 0.5% ते 1% घट झाली.

बाजारातील कामगिरीची विस्तृतता : मुख्य निर्देशांकांपेक्षा व्यापक बाजाराची कामगिरी कमकुवत राहिली. निफ्टी मिडकॅप निर्देशांक 0.4% वाढीसह बंद झाला, तर स्मॉलकॅप निर्देशांक स्थिर राहिला. एकूणच, बाजारात विविध क्षेत्रांमध्ये संमिश्र कल दिसून आला, ज्यामध्ये पॉवर आणि बँकिंग शेअर्स मजबूत असल्याचं दिसून आलं, तर ऑटो आणि मीडिया शेअर्स दबावाखाली राहिले.

अमेरिकन डॉलरच्या तुलनेत रुपया 90.66 (तात्पुरता) वर बंद : सोमवारी अमेरिकन डॉलरच्या तुलनेत भारतीय रुपया 90.66 (तात्पुरता) वर बंद झाला. परदेशी बाजारात मजबूत झालेल्या अमेरिकन डॉलरमुळं देशांतर्गत शेअर्समधील सकारात्मक गतीची भरपाई झाली. फॉरेक्स व्यापाऱ्यांच्या मते, कच्च्या तेलाच्या कमी किमतींमुळं स्थानिक युनिटला पाठिंबा मिळाला, तर परदेशी निधीच्या बाहेर जाण्यानं त्याची वाढ मर्यादित केली.