Sharad Pawar Health Update | मागील काही दिवसांपासून राष्ट्रवादी काँग्रेसचे ज्येष्ठ नेते शरद पवार (Sharad Pawar) यांची तब्येत खालावली होती. त्यामुळे त्यांना पुण्यातील (Pune) रूबी हॉल क्लिनिक रूग्णालयात उपचारासाठी दाखल करण्यात आलं होतं. अजित पवार यांच निधन झाल्यानंतर शरद पवारांची प्रकृती बिघडली होती. त्यामुळे त्यांना तातडीनं रूग्णालयात दाखल करण्यात आलं होतं. त्यानंतर त्यांची प्रकृती सुधारली होती पण पुन्हा काही दिवसांमध्येच त्यांची तब्येत बिघडली. त्यांना उलट्यांचा त्रास सुरू झाला होता. त्यामुळे त्यांना पुन्हा एकदा रूबी हॉल क्लिनिकमध्ये दाखल करण्यात आलं होतं.

हेही वाचा – वादाची ठिणगी! मालेगाव बांगलादेशी व अतिरेक्यांचा अड्डा, किरीट सोमय्यांचा गंभीर आरोप

शरद पवारांच्या प्रकृतीबाबत मोठी माहिती समोर…

सध्या शरद पवार यांच्यावर उपचार सुरू असून आता त्यांच्या प्रकृतीबाबत मोठी माहिती समोर आली आहे. शरद पवारांना डिहायड्रेशन झाल्यामुळे उलट्यांचा त्रास होत होता. त्यामुळे मागील चार दिवसांपासून त्यांच्यावर उपचार सुरू आहेत. तर आता डॉक्टरांनी त्यांच्या प्रकृतीबाबत मोठी अपडेट दिली आहे.

डॉक्टर काय म्हणाले?

डॉक्टरांनी दिलेल्या माहितीनुसार, शरद पवार यांची प्रकृती सध्या स्थिर आहे. त्यामुळे त्यांना आज डिस्चार्ज मिळणार असल्याचं सांगितलं जात आहे. त्यांच्या प्रकृतीमध्ये मोठी सुधारणा झाली असल्याचं सांगितलं जात असून त्यांना चेकअप झाल्यानंतर डॉक्टर डिस्चार्ज देतील.

दरम्यान, मुंबईहून बारामतीकडे जात असताना अजित पवार (Ajit Pawar) यांच्या विमानाचा मोठा अपघात झाला होता. अजित पवार यांच्या अपघाती निधनानंतर पवार कुटुंबांवर दु:खाचा मोठा डोंगर कोसळला आहे. तसेच ज्यावेळी अजित पवारांच्या विमानाचा अपघात झाला होता त्यावेळी शरद पवार हे मुंबईमध्ये होते. जेव्हा शरद पवारांना या अपघाताची माहिती मिळाली तेव्हा ते तातडीनं बारामतीला दाखल झाले होते.