PM Narendra Modi | आज संपूर्ण देशभरात नवीन वर्षाचे स्वागत मोठ्या जल्लोषात आणि उत्साहात केले जात आहे. नवरात्री (Navratri), गुढीपाडवा (Gudi Padwa), चेती चंद (Cheti Chand) आणि उगादी (Ugadi) या सणांचा उत्साह संपूर्ण देशभरात दिसून येत आहे. त्यामुळे या सणांनिमित्त संपूर्ण देशभरात मोठी धामधूम सुरू असून जल्लोषाचे वातावरण आहे. यापार्श्वभूमीवर पंतप्रधान नरेंद्र मोदी (PM Narendra Modi) यांनी देशवासियांना खास शुभेच्छा दिल्या आहेत.

हेही वाचा – मनसे मेळाव्यात राज ठाकरे फोडणार डरकाळी; राजकीय रणशिंग फुंकत कोणावर साधणार निशाणा?

पंतप्रधान नरेंद्र मोदी यांनी देशातील सर्व नागरिकांना शुभेच्छा दिल्या आहेत. त्यांनी सध्या सुरू असलेल्या सर्व सणांनिमित्त देशात शांती, शिस्त आणि सकारात्मत ऊर्जा ओसंडून वाहो, अशी इच्छा व्यक्त केली आहे.

पंतप्रधान मोदींनी सर्व नागरिकांना दिल्या खास शुभेच्छा

पंतप्रधान नरेंद्र मोदी यांनी सोशल मीडियवरील ‘एक्स’वर पोस्ट शेअर करत देशवासियांना खास शुभेच्छा दिल्या आहेत. पंतप्रधान मोदींनी नवरात्रीच्या पहिल्या दिवशी देवी शैलपुत्री यांची पूजा केली. त्यानंतर त्यांनी नागरिकांना शुभेच्छा देत म्हटलं की, नवरात्रीच्या पहिल्या दिवशी माता दुर्गेच्या पहिल्या रूपाचे शैलपुत्री देवीची पूजा केली जाते. देवीच्या आशीर्वादाने सर्वांच्या जीवनामध्ये शांती, शिस्त आणि सकारात्मक ऊर्जा येतो. तसेच इच्छापूर्ती करणाऱ्या मातेसमोर मी नतमस्तक होतो. माता ही बैलावर आरूढ आहे, तिच्या डोक्यावर अर्धचंद्र आहे आणि हाती त्रिशूल आहे. कोट्यावधी भारतीयांच्या वतीने विश्वमाता दुर्गेच्या चरणी मी नतमस्तक होतो. तसेच नवरात्रीच्या या पवित्र, मंगलप्रसंगी आदिशक्तीला मी प्राथर्ना करतो की मातेने सर्वांवार प्रेम करून करूणेचा वर्षाव करावा. जय माता दी!, असं पंतप्रधान मोदींनी ट्विट करत म्हटलं आहे.

पुढे पंतप्रधानांनी महाराष्ट्रातील जनतेला गुढीपाडव्याच्या शुभेच्छा दिल्या. गुढीपाडवा हा सण नवीन वर्षाच्या आगमनाचे प्रतीक असून नवचैतन्य, आशा आणि नव्या संधींचा संदेश घेऊन येणार सण आहे, असं म्हणत पंतप्रधान नरेंद्र मोदी यांनी महाराष्ट्रातील जनतेला पाडव्याच्या खास शुभेच्छा दिल्या आहेत.

गुढीपाडव्याच्या हार्दिक शुभेच्छा! pic.twitter.com/yCgdAuXKgp

— Narendra Modi (@narendramodi) March 19, 2026

तसेच पंतप्रधान मोदींनी चेती चंद सणाच्याही शुभेच्छा दिल्या आहेत. चेती चंद हा सिंधी समाजाचा सण असून तो सण त्यांचे नववर्ष म्हणून साजरे केले जाते. तर चेती चंद हा सण सर्वांसाठी सुख, समृद्धी आणि समाधानाचा जावो, असं म्हणत पंतप्रधानांनी सर्वांना चेती चंद सणाच्या शुभेच्छा दिल्या आहेत. तसेच पंतप्रधानांनी उगादी सणाच्या देखील सर्वांना शुभेच्छा दिल्या आहेत.