BJP MLA Daughter Viral Video | सध्या भाजप (BJP) आमदाराच्या मुलीचा एक व्हिडीओ मोठ्या प्रमाणात व्हायरल होत आहे. या व्हिडीओमध्ये भाजप आमदाराची मुलगी एक तरूणाला भररस्त्यात बुटाने मारहाण करताना दिसत आहे. तर ही सर्व घटना सीसीटीव्ही कॅमेऱ्यात कैद झाली असून सध्या हा व्हिडीओ सोशल मीडीयावर चांगलाच व्हायरल होत आहे.
हेही वाचा – ‘धुरंधर’ची दमदार कामगिरी; ‘बाहुबली’ अन् ‘पुष्पा’ला मागे टाकत रचला इतिहास
भाजप आमदाराच्या मुलीचं नाव प्रियंका पटेरिया असं आहे. तर प्रियंकाने संबंधित तरूण माझा पाठलाग करत होता म्हणून मी त्याला मारहाण केली असल्याचा, दावा केला आहे. तर दुसरीकडे पीडित तरूणाने हा दावा फेटाळत पोलीस स्थानकात धाव घेतली आहे. सध्या हे प्रकरण चांगलेच चर्चेत आले आहे.
भाजप आमदाराच्या मुलीने का केली मारहाण? नेमकं काय घडलं?
समोर आलेल्या माहितीनुसार, छत्तीसगडमधील सागर जिल्ह्यातील देवरी विधानसभा मतदारसंघाचे भाजप आमदार ब्रिजबिहारी पटेरिया यांच्या मुलीचा एक व्हिडीओ व्हायरल होत आहे. प्रियंका पटेरियाने राजेश शर्मा नावाच्या एका तरूणाला बुटाने मारहाण केल्याचा प्रकार समोर आला आहे. राजेश शर्मा हा सागर जिल्ह्याचे भाजप अध्यक्ष विनीत पटेरिया यांच्या जवळचे आहेत. तर सोमवारी प्रियंकाने गौरझामर भागात एक बँक आहे, त्या बँकेच्या आवारात राजेश शर्माला बोलावलं. त्यानंतर प्रियंका आणि राजेश शर्मा यांच्यात मोठा वाद झाला. मग संतापलेल्या प्रियंकाने कारमधून उतरून पायातील बुटाने राजेशला मारहाण केली. सध्या या घटनेचा व्हिडीओ व्हायरल होत आहे.
BJP MLA Daughter Priyanka Pateriya: सागर जिले के देवरी से भाजपा विधायक बृजबिहारी पटेरिया की बेटी प्रियंका पटेरिया पर मारपीट का आरोप लगा है. प्रियंका ने एक युवक के साथ जूतों से पिटाई की. इस घटना का सीसीटीवी वीडियो भी सामने आया है. #mpnews #sagarnews pic.twitter.com/dXV240aIeo
— NDTV MP Chhattisgarh (@NDTVMPCG) April 14, 2026
हा व्हिडीओ व्हायरल झाल्यानंतर राजेश शर्मा माझ्या गाडीचा पाठलाग करत होता. त्याच्यापासून मला धोका आहे, असं मला वाटलं. त्यामुळे मी रागाच्या भरात त्याला मारहाण केली, असा दावा प्रियंकाने केला आहे. मात्र, दुसरीकडे राजेश माझ्या वडिलांच्या विरोधात काम करत आहे, असं म्हणत प्रियंकाने त्याला मारहाण केला असल्याचा दावा राजेशने केला आहे. याबाबत त्याने पोलीस स्थानकात तक्रार दाखल केली आहे. सध्या पोलीस या प्रकरणाचा कसून तपास करत आहेत.
