Prajakta Mali Appreciates CM Devendra Fadnavis Leadership: मुंबईतील दादर येथे झालेल्या ‘नारी शक्ती वंदन’ महिला संमेलनात अभिनेत्री प्राजक्ता माळी यांनी महाराष्ट्राचे मुख्यमंत्री देवेंद्र फडणवीस यांच्या कार्याचे जाहीर कौतुक केले.

मुंबईतील दादर येथे आयोजित नारी शक्ती वंदन महिला संमेलनात अनेक मान्यवर आणि सेलिब्रिटींची उपस्थिती होती. या कार्यक्रमाला अभिनेत्री प्राजक्ता माळी, रवीना टंडन आणि फॅशन डिझाइनर अर्चना कोचर यांच्यासह अनेक पाहुणे उपस्थित होते.

हेही वाचा: एप्रिलमध्येच उष्णतेचा कहर; राज्यात तापमान ४४ अंशांच्या पुढे, ‘या’ शहरांना रेड अलर्ट

मुख्यमंत्री देवेंद्र फडणवीस यांचे कौतुक

या वेळी प्राजक्ता माळी यांनी मुख्यमंत्री देवेंद्र फडणवीस यांच्या कामकाजाचे विशेष कौतुक केले. त्यांनी राज्यातील भोंदूबाबा प्रकरणाचा उल्लेख करत ते संवेदनशीलतेने हाताळल्याबद्दल मुख्यमंत्र्यांचे अभिनंदन केले.

प्राजक्ता माळी म्हणाल्या, “महाराष्ट्रात जे काही घडत आहे, भोंदूबाबामुळे जे काही सुरू आहे, ते त्यांनी अतिशय संवेदनशीलतेने हाताळले आहे. जिथे कठोरता आवश्यक आहे तिथे ते कठोर होतात आणि जिथे ममत्वाची गरज आहे तिथे त्या पद्धतीने निर्णय घेतात.”

त्या पुढे म्हणाल्या, “त्यांच्यावर कितीही टीका किंवा ट्रोलिंग झाले तरी त्यांच्या बोलण्यातून कधीही चुकीचा शब्द निघालेला नाही. त्यांचा सूर नेहमीच संयमी राहिला आहे.”

दरम्यान, प्राजक्ता माळी सध्या ‘महाराष्ट्राची हास्यजत्रा’ या लोकप्रिय कार्यक्रमाचे सूत्रसंचालन करताना दिसत आहे.