Javed Jaffrey Fraud Case: अभिनेता जावेद जाफरीसह त्यांच्या पत्नी हबीबा जाफरी (Javed Jaffrey wife fraud) यांच्याशी संबंधित मोठ्या आर्थिक गैरव्यवहाराचे प्रकरण समोर आले आहे. पुनर्विकास प्रकल्पाच्या नावाखाली त्यांची सुमारे १६ कोटी रुपयांची फसवणूक झाल्याची माहिती समोर येताच मुंबई पोलिसांनी तातडीने तपास सुरू केला आहे.

माहितीनुसार, बांद्रा पश्चिम परिसरातील एका रिअल इस्टेट (real estate) पुनर्विकास योजनेत हबीबा जाफरी यांनी मोठी आर्थिक गुंतवणूक केली होती. संबंधित प्रकल्पातून मोठा नफा मिळेल आणि गुंतवणूक सुरक्षित राहील, अशी खात्री आरोपींकडून देण्यात आली होती. मात्र कालांतराने प्रकल्पात कोणतीही प्रगती झाली नाही आणि गुंतवलेली रक्कमही परत मिळाली नाही. त्यानंतर त्यांनी पोलिसांत तक्रार नोंदवली.

हेही वाचा: रुपाली चाकणकरांची तब्बल 8 तास ED चौकशी; बाहेर येताच माध्यमांशी संवाद साधत म्हणाल्या की…

मुंबई गुन्हे शाखा

या प्रकरणाचा तपास मुंबई गुन्हे शाखेच्या (Mumbai fraud case) प्रॉपर्टी सेलमार्फत सुरू असून मुख्य आरोपी निशित पटेल (Nishit Patel arrest) याला अटक करण्यात आली आहे. त्याच्यासह महेश पाटील, रूपेश, सागर मेहता, देवेंद्र पडवळ आणि इतर काही संशयितांवरही कारवाई करण्यात आली आहे. न्यायालयाने आरोपींना १९ मेपर्यंत पोलीस कोठडी सुनावली आहे.

या प्रकरणात मोठ्या अधिकाऱ्याचा समावेश

विशेष म्हणजे या प्रकरणात मुंबई महानगरपालिकेतील एका वरिष्ठ अधिकाऱ्याचे (BMC officer arrest) नाव समोर आल्याने खळबळ उडाली आहे. सहाय्यक आयुक्त महेश पाटील यांच्यासह सहा जणांविरोधात विविध गंभीर कलमांखाली गुन्हा दाखल करण्यात आला आहे. पोलिसांकडून आर्थिक व्यवहार, प्रकल्पाशी संबंधित कागदपत्रे आणि गुंतवणुकीचे पुरावे तपासले जात आहेत.

तपास यंत्रणांच्या प्राथमिक माहितीनुसार, आरोपींनी बनावट कागदपत्रे आणि खोट्या आश्वासनांच्या आधारे अनेक गुंतवणूकदारांची फसवणूक केल्याचा संशय आहे. या प्रकल्पात काही कलाकार, व्यावसायिक आणि निवृत्त अधिकारी यांनीही गुंतवणूक केल्याची माहिती समोर आली आहे.

या घटनेमुळे मनोरंजन क्षेत्रासह व्यावसायिक वर्तुळातही मोठी चर्चा सुरू झाली आहे. दरम्यान, पोलिसांनी नागरिकांना कोणतीही मोठी आर्थिक गुंतवणूक करण्यापूर्वी संबंधित प्रकल्पाची आणि व्यक्तींची सखोल पडताळणी करण्याचा सल्ला दिला आहे.