Bal Ganesh Movies: गणेशोत्सवाच्या उत्साहात या वीकेंडला मुलांसोबत काहीतरी खास पाहायचं असेल, तर बाहेर जाण्याऐवजी घरीच OTT वर बाळ गणेशाचे हे भन्नाट चित्रपट पाहा. मनोरंजनासोबत मुलांना पौराणिक कथा आणि संस्कारांचीही ओळख होईल.
गणेशोत्सवाच्या उत्साहात घराघरात बाप्पा विराजमान (Shree Ganesh) झाले आहेत. अशातच या शनिवार-रविवार मुलांसोबत बाहेर जाण्याचा प्लॅन करत असाल, तर यंदा काहीतरी वेगळं करून पाहा. थिएटर किंवा बाहेर फिरण्याऐवजी घरच्या घरी OTT वर बाळ गणेशाच्या सुंदर कथा पाहण्याचा आनंद घ्या. हे चित्रपट मुलांचं भरपूर मनोरंजन करतील आणि त्यासोबतच त्यांना गणपतीच्या (Ganeshotsav 2026 ) रंजक कथा, संस्कृती आणि संस्कारांची ओळखही करून देतील.
माय फ्रेंड गणेशा
‘माय फ्रेंड गणेशा’ हा मुलांच्या आवडीचा आणखी एक चित्रपट आहे. या कथेत एका मुलाची आणि गणपतीची मैत्री केंद्रस्थानी आहे. काल्पनिक कथा, भावनिक प्रसंग आणि गणेशाच्या चमत्कारिक रूपामुळे चित्रपटाला वेगळा रंग मिळतो.
हेही वाचा: चॉकलेट बॉय मेजर ऋषभ सांभ्याल Instagram वरून किती कमावतात? एका क्लिकवर जाणून घ्या!
बाल गणेश
गणपतीच्या बालरूपावर आधारित ‘बाल गणेश’ हा मुलांसाठी लोकप्रिय अॅनिमेशन चित्रपट आहे. यात भगवान गणेशाच्या बालपणीच्या विविध कथा आणि त्याच्याशी संबंधित पौराणिक प्रसंग अॅनिमेशनच्या माध्यमातून दाखवण्यात आले आहेत. रंगीत पात्रे, मजेदार प्रसंग आणि गणेशाच्या खोडकर स्वभावामुळे हा चित्रपट मुलांना आकर्षित करतो.
बाल गणेश 2
‘बाल गणेश 2’मध्ये गणेशाच्या आणखी काही रंजक कथा पाहायला मिळतात. गणपतीच्या बुद्धिमत्तेसोबतच त्याचे धैर्य आणि मित्रांसोबतचे प्रसंग या चित्रपटात दाखवले आहेत. त्यामुळे गणेशोत्सवाच्या काळात मुलांसोबत पाहण्यासाठी हा एक पर्याय ठरू शकतो.
घरात गणपती
कोकणातील एका कुटुंबाभोवती फिरणारा हा सुंदर मराठी कौटुंबिक ड्रामा आहे. या कुटुंबात दरवर्षी गणेशोत्सव मोठ्या आनंदात आणि उत्साहात साजरा केला जातो. कुटुंबातील सदस्यांचे परस्पर संबंध, भावनिक प्रसंग आणि गणेशोत्सवाची पार्श्वभूमी यामुळे ही कथा अधिक खास बनते.
श्री गणेश (Shree Ganesh)
भक्तिप्रधान आणि जुन्या काळातील चित्रपट पाहण्याची आवड असणाऱ्यांसाठी ‘श्री गणेश’ हा एक पर्याय आहे. महिपाल यांनी या चित्रपटात प्रमुख भूमिका साकारली आहे. भगवान गणेशाचा जन्म, त्यांचे जीवन आणि विविध अवतारांशी संबंधित कथा या चित्रपटातून मांडण्यात आल्या आहेत. हा क्लासिक चित्रपट YouTube वर पाहता येतो.
अष्टविनायक
गणेशभक्तांसाठी खास असलेला हा मराठी चित्रपट अष्टविनायकांच्या भक्तीमय परंपरेची ओळख करून देतो. गणपतीवरील श्रद्धा, भक्ती आणि कुटुंबातील भावनिक नातेसंबंध यांची सुंदर सांगड या चित्रपटात पाहायला मिळते. गणेशोत्सवाच्या काळात मुलांसोबत किंवा संपूर्ण कुटुंबासोबत पाहण्यासाठी हा चित्रपट एक चांगला पर्याय ठरू शकतो.
