Divya Khosla on Govinda: गोविंदा आणि कोमल राणी स्वर्णकार यांच्या कथित नात्याच्या चर्चांना सध्या सोशल मीडियावर उधाण आले आहे.

Divya Khosla on Govinda-Sunita Ahuja: गोविंदा आणि सुनीता आहुजा यांच्या वैवाहिक (Divya Khosla on Govinda) आयुष्याबाबत सुरू असलेल्या चर्चाना आता अभिनेत्री दिव्या खोसला हिच्या वक्तव्यामुळे नवे वळण मिळाले आहे. गोविंदा आणि त्यांची ‘रूपा’ चित्रपटातील (Govinda Sunita Ahuja) सहकलाकार कोमल राणी स्वर्णकार यांच्या नात्याबाबत सोशल मीडियावर गेल्या काही दिवसांपासून विविध चर्चा सुरू आहेत. मात्र, गोविंदाने या चर्चांना नकार देत कोमलसोबतचे नाते व्यवसायिक असल्याचे स्पष्ट केले आहे. latest entertainment news

या पार्श्वभूमीवर दिव्या खोसलाने (Divya Khosla Statement) सोशल मीडियावर एक सविस्तर पोस्ट शेअर केली. या पोस्टमध्ये तिने सुनीता आहुजाच्या भूमिकेबद्दल सहानुभूती व्यक्त करत गोविंदाच्या अलीकडील सार्वजनिक उपस्थितींवर प्रश्न उपस्थित केले. सुनीता यांनीही दिव्याची पोस्ट आपल्या सोशल मीडिया स्टोरीवर शेअर केली आहे.

हेही वाचा: West Bengal Politics : पोटनिवडणुकीआधी तृणमूलला धक्का; अनेक नेते-कार्यकर्त्यांचा काँग्रेसमध्ये प्रवेश

महिलांच्या स्वावलंबनाचा मुद्दा उपस्थित

दिव्याने आपल्या पोस्टची सुरुवात महिलांच्या स्वातंत्र्य आणि स्वावलंबनाच्या मुद्द्यापासून केली. मागील पिढ्यांतील महिलांनी मुलींना शिक्षण मिळावे, त्या स्वतःच्या पायावर उभ्या राहाव्यात आणि स्वतःची ओळख निर्माण करावी यासाठी प्रयत्न केले, असे तिने नमूद केले.

सोशल मीडियावर सध्या सुरू असलेल्या या प्रकरणामुळे या सामाजिक बदलांबाबत आपल्याला प्रश्न पडत असल्याचेही दिव्याने म्हटले आहे.

सुनीता आहुजाच्या योगदानाकडे दुर्लक्ष करता येणार नाही

गोविंदाचा उल्लेख करताना दिव्याने त्यांना ज्येष्ठ आणि आदरणीय अभिनेता म्हटले. त्यांच्या चित्रपटांचे आपण आणि आपल्या कुटुंबातील सदस्य चाहते असल्याचेही तिने सांगितले.

यानंतर तिने सुनीता आहुजाच्या भूमिकेच्या उल्लेख केला. कुटुंब आणि मुलांची जबाबदारी सांभाळण्यात सुनीताचे योगदान असल्याचे सांगत, गोविंदाच्या यशाचे श्रेय केवळ त्यांनाच देता येणार नाही, असे दिव्याने आपल्या पोस्टमध्ये म्हटले.

गोविंदा- कोमलच्या सार्वजनिक उपस्थितींवर प्रश्न

गोविंदा आणि कोमल राणी यांच्या सार्वजनिक उपस्थितीबाबतही दिव्याने प्रश्न उपस्थित केले. कथित नात्याबाबत चर्चा होत असताना त्याचे सार्वजनिक प्रदर्शन का केले जात आहे, असा सवाल तिने केला.

विशेष म्हणजे, गोविंदा आणि कोमल राणी (Komal Rani News ) हे मुंबईतील प्रसिद्ध लालबागचा राजा येथे एकत्र दिसल्यानंतर या चर्चांना अधिक जोर आला. सुनीता आहुजा यांनी त्याच ठिकाणी त्याआधी स्वतंत्रपणे दर्शन घेतले होते. या घटनेनंतर सोशल मीडियावर विविध प्रतिक्रिया उमटल्या.

धार्मिक स्थळी अशा चर्चा नकोत – दिव्याची भूमिका

दिव्याने आपल्या पोस्टमध्ये कथित अफेअरच्या चर्चांचा सार्वजनिक पद्धतीने प्रचार होऊ नये, अशी भूमिका मांडली. धार्मिक स्थळांवर अशा प्रकारच्या वैयक्तिक नात्यांशी संबंधित प्रदर्शनावरही तिने आक्षेप नोंदवली.

तिने या संपूर्ण प्रकरणाचा तरुण पिढीवर होणाऱ्या संभाव्य परिणामाबाबतही प्रश्न उपस्थित केला. मात्र, गोविंदा आणि कोमल राणी यांच्यात प्रेमसंबंध असल्याचे स्वतंत्रपणे सिद्ध झालेले नाही. गोविंदाने स्वतः या चर्चाना नकार देत लालबागचा राजा येथे कोमलसोबत जाण्यामागे त्यांच्या आगामी ‘रूपा’ चित्रपटाच्या यशासाठी आशीर्वाद घेण्याचा उद्देश असल्याचे सांगितले आहे.

सुनीताच्या समर्थनार्थ दिव्याची पोस्ट

दिव्याने आपल्या पोस्टच्या शेवटी सुनीता आहुजाबद्दल सहानुभूती व्यक्त केली. दीर्घ वैवाहिक आयुष्य आणि कुटुंबासाठी केलेल्या योगदानाच्या पार्श्वभूमीवर सुनीताच्या भावनांचा विचार व्हायला हवा, अशी भूमिका तिने मांडली.

दरम्यान, या संपूर्ण प्रकरणावर सुनीता आहुजानेही अलीकडे विविध प्रतिक्रिया दिल्या आहेत. ताज्या प्रतिक्रियेत त्यांनी गोविंदाच्या आयुष्याबाबत अधिक भाष्य करण्याचे टाळत, तो आनंदी असेल तर त्याला आनंदी राहू द्यावे, अशा आशयाचे वक्तव्य केले आहे.

त्यामुळे गोविंदा, सुनीता आहुजा आणि कोमल राणी यांच्याभोवती सुरू असलेली चर्चा सध्या सोशल मीडियावर कायम आहे. मात्र, या तिघांशी संबंधित वैयक्तिक नात्यांबाबत समोर येणाऱ्या दाव्यांकडे अधिकृत वक्तव्यांच्या संदर्भात पाहणे महत्त्वाचे ठरणार आहे.