Solapur News: सोलापुरातील साखर पेठ येथील महापालिकेच्या नागरी आरोग्य केंद्राच्या परिसरात मावा तयार करण्याचा प्रकार उघडकीस आला आहे. आयुक्त डॉ. सचिन ओंबासे यांच्या पाहणीदरम्यान हा प्रकार समोर आला असून, त्यांनी तातडीने पोलिसांना बोलावून कारवाईचे निर्देश दिले.
Solapur Mawa Manufacturing Found at Municipal Health Centre: नागरिकांना आरोग्यसेवा देणाऱ्या महापालिकेच्या आरोग्य केंद्राच्या परिसरातच (Municipal Health Centre) मावा तयार करण्याचा अवैध व्यवसाय सुरू असल्याचा प्रकार सोलापुरात उघडकीस (Solapur Mawa Manufacturing) आला आहे. महापालिका आयुक्त डॉ. सचिन ओंबासे यांनी साखर पेठेतील आरोग्य केंद्राची पाहणी केली असता हा प्रकार समोर आला. यानंतर त्यांनी तातडीने पोलिसांना पाचारण करून पुढील कारवाईच्या सूचना दिल्या. ( Maharashtra Latest News )
आरोग्य केंद्राच्या पाहणीदरम्यान अनपेक्षित प्रकार
सोलापूर महापालिकेचे आयुक्त डॉ. सचिन ओंबासे यांनी प्रभाग क्रमांक ८ मधील लोकप्रतिनिधींच्या विनंतीवरून साखर पेठ (Sakhar Peth Solapur) येथील कै. यशोदाबाई सिद्रामप्पा दिड्डी नागरी आरोग्य केंद्राला भेट दिली. या दौऱ्यात त्यांनी केंद्रातील सुविधांची (Solapur Municipal Corporation) स्थिती आणि इमारतीची पाहणी (Illegal Mawa Production) केली. मात्र, आरोग्य केंद्राच्या मागील बाजूस फेरफटका मारताना त्यांना वेगळेच वास्तव पाहायला मिळाले.
परिसरातील मोकळ्या जागेत मोठ्या प्रमाणावर अतिक्रमण झाल्याचे त्यांच्या निदर्शनास आले. याच ठिकाणी एका खोलीत मावा तयार करण्याचे काम सुरू असल्याचेही आढळले. आरोग्य केंद्राच्या आवारात असा प्रकार सुरू असल्याचे समोर येताच आयुक्तांनी तत्काळ पोलिसांना बोलावले. त्यानंतर संबंधित ठिकाणी कारवाईची प्रक्रिया सुरू करण्यात आली.
जीर्ण इमारत आणि सुविधांचा अभावही समोर
या पाहणीदरम्यान आरोग्य केंद्राच्या (Health Centre Inspection) इमारतीची दुरवस्था आणि अपुऱ्या सुविधांचाही मुद्दा पुढे आला. इमारत जुनी झाल्याने तिच्या दुरुस्तीची आवश्यकता आहे. यापूर्वी रुग्णांची तपासणी सुरू असताना छतावरील काँक्रीटचा काही भाग कोसळल्याची घटनाही घडली होती.
ही परिस्थिती लक्षात घेऊन आयुक्तांनी आरोग्य अधिकारी डॉ. राखी माने यांना इमारतीची आवश्यक दुरुस्ती करण्यासह वैद्यकीय सुविधांमध्ये सुधारणा आणि मनुष्यबळाची कमतरता दूर करण्यासाठी तातडीने पावले उचलण्याच्या सूचना दिल्या.
साखर पेठेत आधुनिक आरोग्य केंद्र उभारण्याचा प्रस्ताव
नागरिकांना अधिक चांगल्या आरोग्य सुविधा मिळाव्यात, यासाठी साखर पेठ येथे सुसज्ज नागरी प्राथमिक आरोग्य केंद्र उभारण्याच्या दृष्टीनेही आयुक्तांनी निर्देश दिले. शेळगी येथे उभारण्यात आलेल्या नागरी प्राथमिक आरोग्य केंद्राच्या धर्तीवर नवीन केंद्राचा प्रस्ताव तयार करून सादर करण्यास सांगण्यात आले.
हेही वाचा: काही निर्णय ठरतील गेमचेंजर? १४ ऑक्टोबरला ‘या’ राशींनी राहावं सतर्क!
अतिक्रमणाच्या पाहणीत मावा निर्मितीचा प्रकार उघड
आरोग्य केंद्राच्या मागील जागेची तपासणी करताना अतिक्रमणासोबतच मावा तयार करण्याचा प्रकार समोर आल्याने परिसरातील अनधिकृत वापराचा प्रश्न ऐरणीवर आला आहे. या प्रकरणात पोलिसांनी घटनास्थळी पोहोचून कायदेशीर कारवाईची प्रक्रिया सुरू केली. संबंधित ठिकाणाहून मुद्देमाल जप्त करण्यात आल्याची माहितीही समोर आली आहे.
महापालिकेच्या आरोग्य केंद्राच्या परिसरातच असा प्रकार आढळल्याने सार्वजनिक जागांचा वापर, स्वच्छता आणि आरोग्य सुविधांच्या सुरक्षिततेबाबत प्रश्न उपस्थित होत आहेत. आता या प्रकरणात पुढे कोणती कारवाई होते आणि आरोग्य केंद्र परिसरातील अतिक्रमण कसे हटवले जाते, याकडे नागरिकांचे लक्ष लागले आहे.
