Raj Thackeray : पुण्यातील MPSC विद्यार्थ्यांच्या आंदोलनामुळे राज्यभर चर्चेत आलेला कोल्हापूर जिल्ह्यातील माजगावचा विवेकानंद पाटील आपल्या गावी परतला. त्याच्या आगमनानंतर गावकऱ्यांनी त्याचे उत्साहात स्वागत केले. MPSC विद्यार्थ्यांच्या विविध मागण्यांसाठी पुण्यात सुरू असलेल्या आंदोलनाने सर्वांचे लक्ष वेधून घेतले होते. या आंदोलनाच्या माध्यमातून विद्यार्थ्यांचे प्रश्न आणि त्यांच्या मागण्या पुन्हा एकदा चर्चेच्या केंद्रस्थानी आल्या. आंदोलन स्थगित झाल्यानंतर विवेकानंद पाटील माजगावात परतल्याने गावात आनंदाचे वातावरण पाहायला मिळाले. त्याच्या भूमिकेची आणि पुढील वाटचालीची चर्चा आता सुरू झाली आहे.दरम्यान, मनसे अध्यक्ष राज ठाकरे यांनी विवेकानंद पाटील याला फोन करून मुंबईत भेटण्यासाठी आमंत्रित केल्याची माहिती समोर आली आहे. या संभाव्य भेटीकडे MPSC परीक्षार्थी आणि महाराष्ट्रातील तरुणांचे लक्ष लागले आहे.
पुण्यातील MPSC विद्यार्थ्यांच्या आंदोलनात आपल्या आक्रमक आणि स्पष्ट भाषणामुळे चर्चेत आलेला कोल्हापूर जिल्ह्यातील विवेकानंद पाटील पुन्हा एकदा चर्चेचा विषय ठरला आहे. (Raj Thackeray)महाराष्ट्र नवनिर्माण सेनेचे अध्यक्ष राज ठाकरे यांनी विवेकानंदला फोन करून मुंबईत भेटीसाठी येण्याचे निमंत्रण दिले आहे. त्यामुळे आता विवेकानंद आणि राज ठाकरे यांची भेट होणार का, तसेच या भेटीत कोणत्या मुद्द्यांवर चर्चा होणार, याकडे सर्वांचे लक्ष लागले आहे.
महाराष्ट्र लोकसेवा आयोगाच्या परीक्षेसंबंधीच्या प्रश्नांवर आणि कथित पेपरफुटीच्या मुद्द्यावर पुण्यात विद्यार्थ्यांनी आंदोलन केले होते. या (MPSC Protest) आंदोलनादरम्यान विवेकानंद पाटील याने केलेल्या भाषणाने अनेकांचे लक्ष वेधून घेतले. विद्यार्थ्यांच्या समस्या, स्पर्धा परीक्षांसाठी करावी लागणारी मेहनत आणि नोकरीच्या प्रतीक्षेत असलेल्या तरुणांची व्यथा त्याने मांडली. त्याच्या भाषणाची सोशल मीडियावरही चर्चा झाली.
आंदोलनादरम्यान विद्यार्थ्यांना पाठिंबा देण्यासाठी राज ठाकरे पुण्यात आले होते.(Raj Thackery Pune) त्यांनी विद्यार्थ्यांशी संवाद साधत त्यांच्या प्रश्नांबाबत सरकारशी चर्चा करण्याचे आश्वासन दिले होते. आता (MPSC Exam Controversy)आंदोलनातील चर्चेचा चेहरा ठरलेल्या विवेकानंदला त्यांनी फोन करून मुंबईत भेटण्यासाठी बोलावल्याची माहिती समोर आली आहे. या निमंत्रणामुळे विवेकानंदच्या पुढील भूमिकेबाबत उत्सुकता निर्माण झाली आहे.
पुण्यातील आंदोलन स्थगित झाल्यानंतर (Student Vivekananda Patil) विवेकानंद पाटील आपल्या मूळ गावी, (Majgoa) कोल्हापूर जिल्ह्यातील माजगाव येथे परतला. त्याच्या गावात परतण्यावेळी ग्रामस्थांनी उत्स्फूर्त स्वागत केले. आंदोलनादरम्यान त्याने मांडलेल्या भूमिकेमुळे त्याला मोठा पाठिंबा मिळत असल्याचे या स्वागतावरून दिसून आले. राज ठाकरेंनी दिलेले निमंत्रण स्वीकारून विवेकानंद मुंबईला जाणार का, याबाबत अद्याप स्पष्टता नाही.
त्यांची भेट झाल्यास MPSC विद्यार्थ्यांचे प्रश्न, परीक्षेतील पारदर्शकता आणि (Youngsters Job) तरुणांच्या रोजगाराच्या मुद्द्यांवर चर्चा होण्याची शक्यता आहे. मात्र, भेटीची तारीख आणि चर्चेचा नेमका विषय अद्याप अधिकृतरीत्या स्पष्ट झालेला नाही. आंदोलनातून पुढे आलेल्या विवेकानंद पाटीलच्या या संभाव्य भेटीकडे आता राजकीय आणि शैक्षणिक वर्तुळाचे लक्ष लागले आहे.
