Lalbaugcha Raja 2026 : मुंबईतील लाखो भाविकांचे श्रद्धास्थान असलेल्या लालबागच्या राजाचे 2026 मधील प्रथम दर्शन समोर आल्यानंतर भक्तांमध्ये उत्साहाचे वातावरण निर्माण झाले आहे. गणेशोत्सवाला सुरुवात होण्यापूर्वीच बाप्पाची पहिली झलक पाहण्यासाठी भाविक आतुर झाले होते. अखेर लालबागच्या राजाचे दर्शन समोर येताच सोशल मीडियावर बाप्पाच्या फोटो आणि व्हिडीओची मोठ्या प्रमाणात चर्चा सुरू झाली आहे.
लालबागचा राजा सार्वजनिक गणेशोत्सव मंडळ यंदा 93व्या वर्षात पदार्पण करत आहे. अधिकृत माहितीनुसार यंदाचा गणेशोत्सव 14 सप्टेंबर ते 25 सप्टेंबर 2026 या कालावधीत साजरा होणार आहे.
दरवर्षीप्रमाणे यंदाही लालबागच्या राजाच्या दर्शनासाठी महाराष्ट्रासह देशभरातील भाविक मुंबईत दाखल होण्याची तयारी करत आहेत. ‘नवसाला पावणारा गणपती’ अशी ओळख असलेल्या लालबागच्या राजाच्या पहिल्या झलकची भाविक आतुरतेने वाट पाहत होते.
राजेशाही थाटात बाप्पाचे रूप ( Lalbaugcha Raja 2026 )
समोर आलेल्या प्रथम दर्शनातील लालबागच्या राजाचे भव्य आणि आकर्षक रूप भक्तांचे लक्ष वेधून घेत आहे. बाप्पाचा मुकुट, दागिने, आकर्षक पोशाख आणि भव्य सिंहासन यामुळे लालबागच्या राजाचा यंदाचा थाट अधिकच उठून दिसत आहे.
बाप्पाच्या दर्शनासोबतच मंडपाची सजावट आणि पार्श्वभूमीही भाविकांच्या चर्चेचा विषय ठरत आहे. सोशल मीडियावर विविध फोटो आणि व्हिडीओ मोठ्या प्रमाणात शेअर केले जात असून, ‘गणपती बाप्पा मोरया’च्या जयघोषाने वातावरण भक्तिमय झाले आहे.
हेही वाचा : लालबागच्या राजाचे दर्शन यंदा कधीपासून? जाणून घ्या दर्शनाची वेळ, मार्ग आणि महत्त्वाची माहिती
दर्शनासाठी लाखो भाविकांची गर्दी अपेक्षित
गणेशोत्सवाच्या काळात लालबागच्या राजाच्या दर्शनासाठी दरवर्षी मोठ्या प्रमाणात भाविक मुंबईत येतात. यंदाही मुखदर्शन आणि नवसाच्या रांगेत मोठी गर्दी होण्याची शक्यता आहे. दर्शनासाठी येणाऱ्या भाविकांनी प्रशासन आणि मंडळाने दिलेल्या सूचनांचे पालन करण्याचे आवाहन करण्यात येत आहे.
लालबागचा राजा ( Lalbagcha Raja ) सार्वजनिक गणेशोत्सव मंडळाकडून भाविकांसाठी Live Darshan आणि दैनंदिन आरतीची माहिती उपलब्ध करून देण्यासाठी अधिकृत डिजिटल माध्यमांची सुविधाही करण्यात आली आहे.
दरम्यान, प्रथम दर्शनाची झलक समोर आल्यानंतर आता गणेश चतुर्थीच्या दिवशी बाप्पाच्या प्रत्यक्ष दर्शनासाठी भाविकांमध्ये उत्सुकता आणखी वाढली आहे. ‘लालबागचा राजा’च्या आगमनासाठी मुंबई सज्ज झाली असून, बाप्पाच्या दर्शनासाठी देशभरातून भाविक मुंबईकडे रवाना होण्यास सुरुवात झाली आहे.
