Satara Child Video: साताऱ्यातील ३ महिन्याच्या चिमुकलीचा व्हिडिओ सध्या सोशल मीडियावर प्रचंड प्रमाणात व्हायरल होत आहे.
साताऱ्याची गोड चिमुकली अंबाबाईच्या रूपात दिसून सोशल मीडियावर व्हायरल झाली आहे. तिचं निरागस हसू आणि गोड भाव पाहून प्रत्येक जण म्हणतो – “ही तर साक्षात देवीच आहे. लहान मुलांच्या निरागसतेत एक वेगळंच आकर्षण असतं. त्यांच्या हसण्यात आणि निरागस भावांमध्ये काहीतरी इतकं पवित्र असतं की ते पाहताना मन प्रसन्न होतं.
हेही वाचा: Daily Horoscope: आज १८ मार्च! मेष, मिथुनसह ‘या’ राशींनी राहावे सावध; वाचा तुमचं राशिभविष्य
साताऱ्याची चिमुकली सध्या सोशल मीडियावर चर्चेचा विषय ठरली आहे. अवघ्या काही महिन्यांची ही मुलगी, देवीच्या वेशात इतकी सुंदर दिसते की पाहणाऱ्यांना क्षणभर थक्क व्हायला होतं. यात पारंपरिक दागिने, सुंदर साज आणि चेहऱ्यावरचे निरागस भाव यामुळे तिचं रूप अधिकच खुलून आलं आहे. कॅमेऱ्यासमोर तिने दिलेल्या नैसर्गिक आणि गोंडस प्रतिक्रिया पाहून अनेकांनी तिची तुलना देवीशी केली आहे.
ही चिमुकली साताऱ्यातील असून, एका फोटोशूटदरम्यान तिचा हा खास अंदाज टिपण्यात आला. त्यानंतर तिचा व्हिडिओ सोशल मीडियावर शेअर होताच तो झपाट्याने व्हायरल झाला. व्हिडिओ पाहणाऱ्या प्रत्येकाच्या चेहऱ्यावर हसू येत आहे. अनेक जण तिच्या निरागसतेवर आणि गोडवावर फिदा झाले असून कमेंट्समध्ये तिच्यावर प्रेमाचा वर्षाव करत आहेत.
आजच्या धकाधकीच्या जीवनात असा एखादा गोड क्षण पाहायला मिळणं म्हणजे जणू मनाला मिळालेला एक छोटासा आनंदच म्हणावा लागेल.
