Eknath Shinde Helicopter Incident : `महाराष्ट्राचे उपमुख्यमंत्री एकनाथ शिंदे यांच्याबाबतीत एक चिंताजनक बाब समोर आली आहे. कल्याण येथील मुरबाड येथे एका लग्न समारंभासाठी जात असताना प्रवासादरम्यान अचानक हवामान खराब झाल्याने वादळी पावसात एकनाथ शिंदे यांचे हेलिकॉप्टर अडकले. या घटनेने सर्वत्र चिंतेचे वातावरण निर्माण झाले होते.

मिळालेल्या माहितीनुसार, शिंदे यांनी महालक्ष्मी रेसकोर्स येथील हेलिपॅडवरून उड्डाण केले होते आणि ते कल्याणजवळील मुरबाड येथे एका लग्न समारंभासाठी जात होते. याचदरम्यान खराब हवामानामुळे त्यांचे हेलिकॉप्टर वादळी पावसात अडकले असल्यामुळे आपत्कालीन परिस्थिती निर्माण झाली. विमान अपघातासंदर्भात सध्या अनेक घटना झाल्याचे आपल्याला दिसून येते. अगदी काही महिन्यांपूर्वी राज्याचे उपमुख्यमंत्री अजित पवार याना विमान अपघातामुळे आपले प्राण गमवावे लागले. अश्यातच अजून एकदा राज्याचा आणखी एका उपमुख्यमंत्र्यांसोबत विमानासंदर्भातील आणखी एक घटना घडल्याने सर्वत्र चिंताजनक परिस्थिती पाहायला मिळाली.

खराब दृश्यमानता, जोरदार वाऱ्याचे झोत आणि अस्थिर हवामानामुळे हेलिकॉप्टर अडकले. परंतु सुदैवाने पायलटने खबरदारीचा उपाय म्हणून हेलिकॉप्टर मुंबईकडे वळवले. त्यानंतर हेलिकॉप्टरने जुहू विमानतळावर सुरक्षित लँडिंग केले. उपमुख्यमंत्री एकनाथ शिंदे यांच्यासह सर्व प्रवासी सुरक्षित असल्याची यानंतर देण्यात आली. त्यामुळे सुदैवाने एक मोठे अघटित टाळल्याचे आपल्याला दिसते.