मुलींचे शिक्षण सुरक्षित होण्यासाठी आणि आई वडिलांची भर कमी करण्यासाठी महाराष्ट्र सरकारने ‘लेक लाडकी’ योजना सूरू केली आहे. चला तर जाणून घेऊयात कोण आणि कसा लाभ घेऊ शकेल.

महाराष्ट्र सरकारने मुलींच्या शिक्षण आणि सक्षमीकरणासाठी सुरू केलेली ‘लेक लाडकी’ योजना आता राज्यभरात जोरात सुरू आहे. या योजनेतून पिवळ्या आणि केशरी रेशनकार्डधारक कुटुंबातील मुलींना जन्मापासून १८ वर्षापर्यंत एकूण १ लाख १ हजार रुपये थेट बँक खात्यात ५ हप्त्यांमध्ये दिले जातील.

मुख्य उद्देश
या योजनेचा मुख्य उद्देश मुलींना शिक्षणासाठी संधी देणे आणि त्यांच्या उज्वल भविष्यासाठी आर्थिक पाठिंबा प्रदान करणे आहे. या योजनेअंतर्गत जन्मानंतर, शालेय शिक्षणाच्या विविध टप्प्यांवर व १८ वर्ष पूर्ण झाल्यावर उच्च शिक्षणासाठी निधी थेट जमा केला जातो. या योजनेचा लाभ घेण्यासाठी मुलीचा जन्म महाराष्ट्रात झाला असणे आवश्यक असून, कुटुंबाचे वार्षिक उत्पन्न १ लाख रुपयांपेक्षा कमी असावे.

अटी कोणत्या आहेत?
या योजनेचा लाभ घेण्यासाठी मुलीचा जन्म महाराष्ट्रात झाला असणे आवश्यक आहे.
कुटुंबाचे वार्षिक उत्पन्न १ लाख रुपयांपेक्षा कमी असावे.
तसेच एका कुटुंबातील फक्त दोन मुलींना योजनेचा लाभ मिळू शकते.

अर्ज करण्यासाठी आवश्यक कागदपत्रे कोणती?
मुलीचा जन्म दाखला

पालकांचे आधार कार्ड

पिवळा किंवा केशरी रेशनकार्ड

रहिवासी दाखला

बँक पासबुक झेरॉक्स

दुसऱ्या अपत्यानंतर कुटुंब नियोजन शस्त्रक्रियेचे प्रमाणपत्र

निधी किती टप्प्यात मिळेल
लेक लाडकी योजनेचा हप्ता हा ५ टप्प्यात मिळणार आहे. कसा ते पाहा खालील प्रमाणे

जन्मानंतर : ५ हजार रुपये (जन्म दाखला व नाव झाल्यानंतर)

पहिली इयत्ता : ६,००० रुपये

सहावी इयत्ता : ७,००० रुपये

अकरावी इयत्ता : ८,००० रुपये

१८ वर्ष पूर्ण झाल्यावर : ७५,००० रुपये (उच्च शिक्षण सुरू असल्याचा दाखला सादर केल्यानंतर)