ladki bahin yojana : काही तांत्रिक कारणांमुळे लाडक्या बहिणीच्या (ladki bahin) खात्यात हप्ते पडत नव्हते. त्यामुळे लाडक्या बहिणी हिरमुसल्या होत्या. परंतु आता सरकारने लाडक्या बहिणीसाठी दिलासा देणारा निर्णय घेतला आहे. तांत्रिक कारणांमुळे रखडलेले हप्ते (Pending Installments) लवकरच मिळणार आहेत. त्यासाठी ३१ मार्च २०२६ पर्यंत अर्ज दुरुस्ती अन् ई-केवायसी (e-KYC) करण्याचे बंधनकारक केले आहे. त्यामुळे लाडक्या बहिणीच्या खात्यात हप्ते जमा होण्यास मदत होणार आहे.

हे ही वाचा: चिअर्सSsss…आता पेट्रोल पंपावर दारुही..!

ई-केवायसी करताना चूक

योजनेच्या सुरुवातीला अर्ज भरताना सुरवातीला घाई गडबड करण्यात आली. महिलांनी ई-केवायसी करताना चूक केली. चुकीचे पर्याय निवडल्याने ‘नाही’ ऐवजी ‘हो’ अशा तांत्रिक मुद्दे उपस्थित झाले. त्यामुळे अनेक पात्र अर्ज नाकारले होते. या तांत्रिक त्रुटी दूर करण्यात आली आहे. परिणामी माहिती अद्ययावत करण्यासाठी प्रशासनाने अंतिम मुदतवाढ दिली आहे.

त्या महिलांना अर्ज दुरुस्तीची संधी

ज्यांचे अर्ज मंजूर आहेत, पण खात्यात एकही रुपया जमा झालेला नाही.ज्यांच्या बँक खात्याच्या माहितीत त्रुटी आहेत. ज्यांनी अद्याप आधार कार्डचे प्रमाणीकरण पूर्ण केलेले नाही. ज्यांचे बँक खाते डीबीटी (DBT) साठी लिंक किंवा सक्रिय नाही अशा लाभार्थी महिलांना अर्ज दुरुस्तीची संधी मिळणार आहे.

पुढील सर्व लाभ महिलांच्या खात्यात जमा

अनेक महिलांच्या आधार कार्डवरील नाव आणि बँक पासबुकवरील नाव यात तफावत असल्याने त्यांचे हप्ते रखडले होते. आता ३१ मार्चपर्यंत ही दुरुस्ती केल्यास, रखडलेल्या थकीत हप्त्यांसह पुढील सर्व लाभ महिलांच्या खात्यात जमा होणार आहेत.