Mahakumbh Viral Girl Monalisa: कुंभमेळ्यातील व्हायरल गर्ल मोनालिसा ही तिच्या लग्नामुळे पुन्हा चर्चेत आली आहे. राष्ट्रीय अनुसूचित जमाती आयोगाने (National Commission for Scheduled Tribes) दावा केला आहे. की ती फर्मान खानसोबत झालेल्या विवाहा वेळी अल्पवयीन होती. या प्रकरणात नेमका काय प्रकार आहे, याबाबत मोठी चर्चा सुरू असून तपासात नवे खुलासे समोर येत आहेत. चला तर जाणून घेऊया सविस्तर माहिती.

राष्ट्रीय अनुसूचित जमाती आयोगाने ((National Commission for Scheduled Tribes) दावा केले आहे की व्हायरल झालेली “महाकुंभ गर्ल” मोनालिसा भोसले ( Monalisa Bhosale) ही फार्मान खानसोबत विवाहाच्या वेळी अल्पवयीन होती.

हेही वाचा: YOPD म्हणजे नेमकं काय? कोणाला धोका आणि सुरुवातीची लक्षणे कोणती?

१७ मार्च २०२६ रोजी वकील प्रथम दुबे (Pratham Dubey) यांनी आयोगाकडे तक्रार दाखल केली. त्यानंतर आयोगाच्या निर्देशानुसार तपस पथकाने या प्रकरणाशी संबंधित अनेक कागदपत्रे आणि नोंदी तपासल्या.

तपासात असे समोर आले की शाळेतील नोंदी आणि आरोग्य केंद्राच्या माहितीप्रमाणे तिचा जन्म ३० डिसेंबर २००९ रोजी झालेला आहे. त्यानुसार ११ मार्च २०२६ रोजी झालेल्या कथित विवाहावेळी तिचे वय सुमारे १६ वर्षे होते.

विवाह नोंदणी

याशिवाय विवाह नोंदणीसाठी वापरलेल्या जन्मतारखेच्या प्रमाणपत्रात त्रुटी असल्याचेही आढळले. या संशयास्पद नोंदींमुळे तपास पथकाने संबंधित विवाह प्रमाणपत्र रद्द करण्याची शिफारस करण्याचे संकेत दिले आहेत.

या प्रकरणात महेश्वर पोलीस ठाण्यात अपहरणासह विविध कलमांखाली गुन्हा नोंदवण्यात आला आहे. Anurag IG यांच्या माहितीनुसार FIR दाखल झाला असून पुढील तपास सुरू आहे.

मोनालिसा कशी प्रसिद्ध झाली?

Prayagraj Maha Kumbh Mela 2025 दरम्यान रुद्राक्ष माळा विकताना मोनालिसा भोसले तिच्या आकर्षक डोळ्यांमुळे सोशल मीडियावर व्हायरल झाली. तिचे फोटो आणि व्हिडिओ मोठ्या प्रमाणावर शेअर झाले आणि ती देशभर प्रसिद्ध झाली.

त्यानंतर तिला मॉडेलिंगच्या ऑफर्स आणि चित्रपटांमध्ये संधी मिळू लागली. तिने मल्याळम चित्रपट “Nagamma” मध्ये काम केले असून, “The Diary of Manipur” या चित्रपटातून बॉलिवूडमध्ये पदार्पण करण्याची तयारी सुरू आहे. ती सोशल मीडियावर विविध ब्रँड्ससोबतही जोडलेली आहे आणि चाहत्यांशी संपर्क ठेवते.