Mumbai Monsoon 2026 | सध्या महाराष्ट्रात (Maharashtra) कडक उन्हाळ्याचे (Summer) दिवस सुरू आहेत. एकिकडे राज्यात उन्हाचा तडाखा जाणवत असताना आता मुंबईत मुसळधार पाऊस (Monsoon) होणार असल्याची शक्यता वर्तवण्यात आली आहे. मुंबईत या हंगामातील पहिल्या मान्सूनपूर्व पावसाची शक्यता आहे. भारतीय हवामान विभागाने (IMD) आज मुंबईसाठी यलो अलर्ट जारी केला आहे. त्यामुळे आता मागील काही दिवसांपासून जाणवत असलेल्या तीव्र उष्णता आणि दमटपणापासून मुंबईकरांना दिलासा मिळण्याची शक्यता आहे.

हेही वाचा – “धमक्या देणं थांबवा नाहीतर…”, इराणचा अमेरिकेला थेट इशारा, जागतिक तणाव वाढला

मुंबईला हवामान खात्याचा यलो अलर्ट

हवामान विभागाने यलो अलर्ट जारी केला असून, मंगळवारी मुंबईच्या विविध जिल्ह्यांमध्ये विजांच्या कडकडाटांसह मुसळधार पाऊस होण्याची शक्यता वर्तवली आहे. तर वाऱ्याचा वेग ताशी 30 ते 40 किलोमीटर राहण्याची शक्यता आहे. मुंबईच्या अनेक भागांमध्येही पावसाचा अंदाज वर्तवण्यात आला आहे.

भारतीय हवामान विभागाने (IMD) 22 एप्रिलपर्यंत मुंबई आणि पालघर जिल्ह्यात हलक्या पावसाचा आणि मेघगर्जनेसह पावसाचा अंदाज वर्तवला आहे. दरम्यान, ठाणे आणि रायगड जिल्ह्यांमध्ये मेघगर्जनेसह पाऊस आणि मध्यम स्वरूपाच्या पावसाच्या शक्यतेमुळे यलो अलर्ट जारी करण्यात आला आहे. हवामान अंदाजानुसार, मान्सूनपूर्व पावसामुळे उष्णतेपासून कोणताही विशेष दिलासा मिळणार नाही. कमाल तापमान 32-33 अंश सेल्सिअसच्या आसपास राहण्याची शक्यता आहे. हे सर्वसाधारण मान्सूनपूर्व हवामानाच्या पद्धतीनुसारच आहे, ज्यात तापमान पुन्हा वाढण्यापूर्वी संध्याकाळच्या सरी तात्पुरता दिलासा देतात.

गेल्या काही दिवसांपासून महाराष्ट्राच्या काही भागांमध्ये मुसळधार पाऊस आणि वादळी पावसाने थैमान घातले आहे. पुणे, नाशिक, सातारा आणि जळगावसारख्या भागांमध्ये पावसाचा अनुभव आला आहे.