Bangladesh girl reaches Jalgaon : इन्स्टाग्रामच्या (Love on Instagram) जाळ्यात गुंफलेली ही कथा एखाद्या चित्रपटाच्या पटकथेसारखी वाटत असली, तरी तिची परिणती मात्र पोलीस कोठडीत झाली आहे. जळगाव शहरात (Jalgaon Police) नुकत्याच उघडकीस आलेल्या या प्रकरणाने केवळ जळगावच नव्हे, तर संपूर्ण महाराष्ट्र आणि देशाला (Bangladesh girl) हादरवून सोडले आहे. आधुनिक युगात सोशल मीडिया (Love social media)  हे संवादाचे प्रभावी साधन बनले असले तरी, त्याचे रूपांतर राष्ट्रीय सुरक्षेला धोका निर्माण करणाऱ्या कृत्यांमध्ये कसे होऊ शकते, याचे हे जळजळीत उदाहरण आहे.

या प्रकरणाचा केंद्रबिंदू असलेला चिन्मय वाला हा जळगावच्या जोशी पेठ परिसरातील रहिवासी आहे. सोन्याचा कारागीर म्हणून काम करणाऱ्या चिन्मयची ओळख काही महिन्यांपूर्वी इन्स्टाग्राम या सोशल मीडिया प्लॅटफॉर्मवर बांगलादेशातील २० वर्षीय कोनिका राणीशी झाली. सुरुवातीला ‘लाईक’ आणि ‘कमेंट’ पुरता मर्यादित असलेला हा संवाद लवकरच चॅटिंगमध्ये बदलला. दोघेही तासनतास एकमेकांशी बोलू लागले. भाषेच्या मर्यादा ओलांडून त्यांच्यात मैत्री झाली आणि या मैत्रीचे रूपांतर प्रेमात झाले.

हेही वाचा – बदलापुरात हळदी समारंभात राडा! भाजप-शिवसेना कार्यकर्त्यांमध्ये मारहाण, राजकीय वातावरण तापलं

कोनिका राणीच्या मनात प्रेमाची भावना इतकी प्रबळ झाली की, तिने सर्व काही सोडून भारतात येण्याचा निर्णय घेतला. मात्र, एका देशातून दुसऱ्या देशात जाण्यासाठी लागणारे पासपोर्ट किंवा व्हिसा यांसारखी कोणतीही वैध कागदपत्रे तिच्याकडे नव्हती. अशा परिस्थितीत कायदेशीर मार्गाने येणे अशक्य होते. तरीही, प्रेमाच्या वेडात तिने अत्यंत धोकादायक मार्ग निवडला. मानवी तस्करी करणाऱ्या टोळ्यांच्या मदतीने किंवा सीमेवरील असुरक्षित भागातून तिने बेकायदेशीरपणे भारतीय सीमा ओलांडली. कोलकातामार्गे प्रवास करत ती अखेर जळगावला पोहोचली.

महिलेची हालचाल संशयास्पद वाटल्याने पोलिसांना टीप

जळगावातील गुप्त वास्तव्य आणि पोलिसांचा छापाजळगावच्या शनिपेठ पोलीस स्टेशन अंतर्गत येणाऱ्या जोशी पेठ भागात कोनिका आणि चिन्मय एकत्र राहू लागले. त्यांनी आपण लग्न केल्याचा बनावही रचला होता, जेणेकरून कोणाला संशय येऊ नये. मात्र, परिसरात एका नवीन आणि परदेशी वाटणाऱ्या महिलेची हालचाल संशयास्पद वाटल्याने काही जागरूक नागरिकांनी पोलिसांना टीप दिली. पोलीस अधीक्षक श्रीकांत धिवरे यांच्या मार्गदर्शनाखाली शनिपेठ पोलिसांनी या माहितीची गांभीर्याने दखल घेतली.

बांगलादेशातून विनापरवाना आल्याची कबुली

पोलिसांनी जेव्हा चिन्मयच्या घरावर छापा टाकला, तेव्हा त्यांना तिथे कोनिका राणी आढळली. पोलिसांनी तिच्याकडे पासपोर्ट आणि व्हिसाची मागणी केली असता, तिची बोबडी वळाली. तिच्याकडे भारतात राहण्याचा कोणताही कायदेशीर पुरावा नव्हता. सखोल चौकशीत तिने आपण बांगलादेशातून विनापरवाना आल्याची कबुली दिली.कायदेशीर कचाट्यात ‘प्रेमी’ जोडीवर पोलिसांनी तातडीने कारवाई करत कोनिका राणीला अटक केली. तसेच, एका विदेशी नागरिकाला बेकायदेशीरपणे आश्रय दिल्याबद्दल आणि देशाच्या नियमांचे उल्लंघन केल्याबद्दल चिन्मय वाला याच्यावरही गुन्हा दाखल करण्यात आला. त्यांच्यावर ‘फॉरेनर्स ॲक्ट’ आणि ‘इमिग्रेशन ॲक्ट’च्या विविध कलमान्वये कारवाई करण्यात आली आहे.

पोलिसांसमोर अनेक गंभीर प्रश्न उभे केले

या प्रकरणाने पोलिसांसमोर अनेक गंभीर प्रश्न उभे केले आहेत. एक २० वर्षांची तरुणी कोणत्याही कागदपत्रांशिवाय आंतरराष्ट्रीय सीमा ओलांडून देशाच्या इतक्या आतपर्यंत कशी पोहोचू शकते? तिला सीमा ओलांडण्यासाठी कोणी मदत केली? यामागे एखादे मोठे रॅकेट सक्रिय आहे का? हे प्रश्न आता पोलीस तपासाचा मुख्य भाग आहेत. पोलीस अधीक्षक श्रीकांत धिवरे यांनी स्पष्ट केले आहे की, या प्रकरणाची मुळे शोधण्यासाठी विशेष पथके काम करत आहेत.

प्रेमासाठी देशाच्या सीमा ओलांडणे रोमँटिक

सोशल मीडियावरील आभासी जगातील प्रेम जेव्हा वास्तव जगातील कायद्यांशी टक्कर देते, तेव्हा त्याचा शेवट असाच भयानक होतो. प्रेमासाठी देशाच्या सीमा ओलांडणे ही गोष्ट ऐकायला रोमँटिक वाटत असली, तरी ती पूर्णपणे बेकायदेशीर आणि सुरक्षेच्या दृष्टीने धोकादायक आहे. सध्या ही ‘प्रेमी’ जोडी पोलिसांच्या ताब्यात असून, या प्रेमप्रकरणाचा पुढील निकाल आता न्यायालयाच्या हातात आहे. कसंय मंडळी प्रेमाला बंधन नसतं होतं..पण देशाच्या सीमांना असतं, त्यामुळे प्रेम कितीबी करा. पण असं बेकायदेशीर स्थलांतर वगैरे डोक्यातही आणू नका, नायतर तुमच्या लव्ह स्टोरीचा दी एंडही यांच्यासारखा पोलीस कोठडीतच होईल.