Nandurbar Child Sexual Case : नंदुरबार शहरात अत्यंत धक्कादायक आणि चीड आणणारी घटना समोर आली असून, अल्पवयीन मुलांचे लैंगिक शोषण करणाऱ्या एका २२ वर्षीय नराधम युवकाला नंदुरबार शहर पोलिसांनी तातडीने धडक कारवाई करत बेड्या ठोकल्या आहेत. या प्रकरणी पोलिसांनी बाल लैंगिक अत्याचार प्रतिबंधक कायदा म्हणजेच पोक्सो अंतर्गत अत्यंत गंभीर स्वरूपाचा गुन्हा दाखल केला आहे. या अंगावर काटा आणणाऱ्या घटनेमुळे संपूर्ण नंदुरबार जिल्हा आणि परिसरात तीव्र संताप व्यक्त होत असून पालकांमध्ये कमालीची भीती निर्माण झालीय. हा मुलांचा आकडा नेमका किती हे अद्याप समजू शकलं नाही, मात्र समोर आलेले व्हिडिओ आणखी काही पुरावे पाहता हा आकडा 200 च्या आसपास आसण्याची शक्यता आहे…त्यामुळे आता मोठी खळबळ माजलीय…संपूर्ण महाराष्ट्राला हादरवणारं हे मुलांवरील अत्याचाराचं प्रकरण नेमकं काय?

नंदुरबारमध्ये नेमकं काय घडलं? ( Nandurbar Child Sexual Case )

पोलिसांनी दिलेल्या अधिकृत आणि प्राथमिक माहितीनुसार रायसिंगपुरा भागातील रहिवासी असलेला चेतन प्रकाश कोळी वय २२ वर्षे हा या संपूर्ण काळ्या कृत्याचा मुख्य सूत्रधार आहे. चेतन कोळी हा गेल्या अनेक दिवसांपासून परिसरातील लहान मुले, अल्पवयीन मुले आणि काही समवयस्क तरुण मुलांवर पाळत ठेवून असायचा. तो या मुलांना हेरून त्यांच्याशी जवळीक साधण्याचा प्रयत्न करत असे. सुरुवातीला तो अतिशय गोड बोलून, त्यांना खाऊचे, पैशांचे किंवा महागड्या वस्तूंचे आमिष दाखवून त्यांच्याशी मैत्री करत असे. मुले अल्पवयीन आणि निष्पाप असल्यामुळे त्यांना या युवकाच्या कुटिल हेतूची कोणतीही कल्पना आली नाही. हळूहळू या मुलांशी जवळीक आणि सलगी वाढवून त्याने त्यांना आपल्या जाळ्यात ओढण्यास सुरुवात केली.

आरोपी चेतन कोळी याने केवळ पैशांचे आमिष दाखवून मुलांशी मैत्री केली नाही, तर त्यांच्या हतबलतेचा आणि गरिबीचा अत्यंत चुकीच्या पद्धतीने फायदा उठवला. मुलांचा विश्वास संपादन केल्यानंतर त्याने त्यांच्यावर बळजबरीने पाशवी लैंगिक अत्याचार करण्यास सुरुवात केली. हा प्रकार एवढ्यावरच थांबला नाही, तर आरोपीने विकृतपणाची परिसंभा गाठत या अत्याचाराचे चित्रीकरण आपल्या स्वतःच्या मोबाईल फोनमध्ये करून ठेवले. या अत्यंत आक्षेपार्ह आणि संवेदनशील व्हिडिओ क्लिप्सचा वापर त्याने नंतर पीडित मुलांचे आयुष्य उद्ध्वस्त करण्यासाठी आणि त्यांना मानसिक गुलाम बनवण्यासाठी केला.

हेही वाचा : नसरापूरनंतर भंडाऱ्यात संतापजनक घटना! तीन वर्षीय मुलीवरील अत्याचार; न्यायासाठी शहर एकवटले

अत्याचाराचे व्हिडिओ बनवून मुलांना ब्लॅकमेल केल्याचा आरोप ( Nandurbar Child Sexual Case )

एकदा लैंगिक अत्याचार केल्यानंतर आरोपी चेतन याने त्या व्हिडिओ क्लिप्स पीडित मुलांना दाखवल्या आणि त्यांना ब्लॅकमेल करण्यास सुरुवात केली. जर या अत्याचाराबाबत घरात आई-वडिलांना, पोलिसांना किंवा समाजात कोणालाही काही सांगितले, तर हे सर्व व्हिडिओ सोशल मीडियावर व्हायरल करून टाकण्याची थेट धमकी तो निष्पाप मुलांना देऊ लागला. समाज आणि कुटुंबात आपली नाचक्की होईल, अब्रू जाईल या भीतीने पीडित मुले प्रचंड दहशतीखाली वावरत होती. मुलांच्या याच भीतीचा आणि असहायतेचा गैरफायदा घेऊन आरोपी चेतन प्रकाश कोळी याने त्यांच्यावर वारंवार अत्याचार केले. या सततच्या शारीरिक आणि मानसिक त्रासामुळे काही मुलांची मानसिक स्थिती खालावली होती, मात्र भीतीपोटी ते उघडपणे काहीही बोलू शकत नव्हते.

हा अत्यंत गंभीर आणि भयानक प्रकार बराच काळ पडद्याआड राहिला होता. मात्र, गेल्या काही दिवसांत काही पीडित मुलांच्या वागण्यात, बोलण्यात आणि एकूणच वर्तनात अचानक मोठा बदल झाल्याचे पालकांच्या निदर्शनास आले. मुले सतत घाबरलेली असायची आणि घरातून बाहेर पडण्यास किंवा रायसिंगपुरा भागात जाण्यास नकार देत होती. या संशयास्पद हालचालींमुळे आणि गोपनीय माहितीच्या आधारे हा संपूर्ण धक्कादायक प्रकार उघडकीस आला. या प्रकरणाची वाच्यता होताच नंदुरबार शहर पोलीस यंत्रणा तात्काळ ॲक्शन मोडमध्ये आली. गुन्ह्याचे गांभीर्य ओळखून वरिष्ठ पोलीस अधिकाऱ्यांच्या थेट मार्गदर्शनाखाली नंदुरबार शहर पोलिसांनी तात्काळ विशेष पथके तयार करून रायसिंगपुरा भागात धडक कारवाई केली आणि संशयित आरोपी चेतन प्रकाश कोळी याला वेगाने जेरबंद केले.

आरोपीच्या मोबाईलमध्ये आक्षेपार्ह व्हिडिओ आढळल्याची माहिती ( Nandurbar Child Sexual Case )

पोलीस कोठडीत घेतल्यानंतर पोलिसांनी आरोपी चेतन कोळी याचा मोबाईल फोन आणि इतर इलेक्ट्रॉनिक साधने जप्त केली आहेत. या जप्त केलेल्या मोबाईलमध्ये पोलिसांना अनेक आक्षेपार्ह व्हिडिओ आणि डेटा आढळून आल्याची प्राथमिक माहिती आहे. हा सर्व डिजिटल पुरावा कायदेशीर प्रक्रियेसाठी आणि न्यायालयासमोर सादर करण्यासाठी पोलिसांनी सुरक्षित केला आहे. सायबर तज्ज्ञांच्या मदतीने या मोबाईलमधील डेटाची सखोल तपासणी केली जात आहे. पोलिसांनी दिलेल्या माहितीनुसार, या प्रकरणाची व्याप्ती केवळ काही मुलांपुरतीच मर्यादित आहे की आरोपीने अजून अनेक अल्पवयीन मुलांना आपल्या विकृत वासनेचा बळी बनवले आहे, याचा सखोल तपास सुरू आहे. या रॅकेटमध्ये किंवा या गुन्ह्यात त्याला आणखी कोणाची मदत लाभली होती का, याचाही शोध पोलीस घेत आहेत.

या अत्यंत संवेदनशील प्रकरणाचा तपास पोलीस उपनिरीक्षक आणि वरिष्ठ अधिकारी करत असून, आरोपीविरुद्ध पोक्सो कायद्याच्या विविध कडक कलमांनुसार आणि भारतीय न्याय संहितेच्या संबंधित कलमांनुसार गुन्हा नोंदवण्यात आला आहे. या गुन्ह्या अंतर्गत आरोपीला कठोर शिक्षा व्हावी यासाठी पोलीस भक्कम पुरावे गोळा करत आहेत. या धडक कारवाईमुळे नंदुरबार पोलिसांचे नागरिकांमधून कौतुक होत असले, तरी या घटनेने समाजमनाला आणि विशेषतः पालकांना विचार करण्यास भाग पाडले आहे. इंटरनेट आणि सोशल मीडियाच्या युगात लहान मुले किती असुरक्षित आहेत, हेच या घटनेवरून पुन्हा एकदा सिद्ध झाले आहे.

पालकांनी मुलांच्या वर्तनातील बदलांकडे लक्ष देण्याचे आवाहन ( Nandurbar Crime )

या अत्यंत संवेदनशील घटनेच्या पार्श्वभूमीवर नंदुरबार जिल्हा पोलीस प्रशासनाने सर्व नागरिकांना, शिक्षकांना आणि विशेषतः पालकांना एक महत्त्वाचे आवाहन केले आहे. पालकांनी आपल्या लहान मुलांच्या, अल्पवयीन पाल्यांच्या दैनंदिन वागणुकीवर आणि त्यांच्या मित्रमंडळींवर बारीक लक्ष ठेवावे. जर मुलांच्या वर्तनात अचानक कोणताही बदल, नैराश्य, भीती किंवा आक्रमकता दिसून आली, तर त्यांना विश्वासात घेऊन त्यांच्याशी संवाद साधावा. जर कोणत्याही मुलासोबत असा कोणताही चुकीचा किंवा संशयास्पद गैरप्रकार घडत असेल, किंवा कोणी पैशांचे, वस्तूंचे आमिष दाखवून धमकावत असेल, तर पालकांनी अजिबात न घाबरता किंवा समाजाच्या भीतीपोटी मागे न हटता थेट नंदुरबार शहर पोलिसांशी संपर्क साधावा, असे आवाहन पोलिसांनी केले आहे.

पोलीस प्रशासनाने पालकांना आश्वस्त केले आहे की, अशा प्रकरणात तक्रार करणाऱ्या पीडित मुलांची आणि त्यांच्या कुटुंबाची ओळख पूर्णपणे गोपनीय ठेवली जाते. कायद्यानुसार त्यांची नावे कुठेही उघड केली जात नाहीत. त्यामुळे गुन्हेगारांना मोकळे रान मिळू नये आणि त्यांना कायद्याचा जरब बसावा यासाठी नागरिकांनी पोलिसांना सहकार्य करणे गरजेचे आहे. या प्रकरणाचा पुढील तपास अतिशय वेगाने आणि संवेदनशीलतेने सुरू असून, आरोपी चेतन कोळी याला न्यायालयात हजर करून त्याची पोलीस कोठडी वाढवून घेण्याची प्रक्रिया पोलीस पार पाडत आहेत, जेणेकरून या काळ्या कृत्याची संपूर्ण पाळेमुळे खणून काढता येतील.