BSF Jawan Joins Jantar Mantar: काल (१८ जुलै) सकाळी सोनम वांगचुक यांना आंदोलनस्थळावरून पोलिसांनी ताब्यात घेऊन रुग्णालयात दाखल केले. त्यामुळे त्यांचे आमरण उपोषण खंडित झाले. या आंदोलनाची धुरा पुढे सुरू राहावी आणि उपोषणात खंड पडू नये म्हणून अभिजित दिपके यांनीदेखील आमरण उपोषण सुरू केले आहे. त्यांना पाठिंबा देण्यासाठी बीएसएफचे जवान भवरलाल साईन थेट दिल्लीतील जंतर-मंतर येथे पोहोचून आंदोलनात सहभागी झाले.

काल (१८ जुलै) सकाळी पोलिसांनी वांगचुक यांना आंदोलनस्थळावरून ताब्यात घेऊन रुग्णालयात दाखल केल्यानंतर त्यांचे उपोषण खंडित झाले. मात्र, आंदोलनाची लढाई थांबू नये आणि मागण्यांचा आवाज कायम राहावा म्हणून अभिजित दिपके यांनी जंतर-मंतरवर आमरण उपोषण सुरू केले आहे. तसेच सोनम वांगचुक यांना पाठिंबा देण्यासाठी बीएसएफचे जवान भवरलाल साईन यांनीही थेट आंदोलनस्थळी उपस्थित राहून ऐक्य दर्शवले आहे.

१८ जुलै रोजी जंतर मंतरवर नेमकं काय घडलं?

सोनम वांगचुक यांना आंदोलनस्थळावरून रुग्णालयात हलविण्यात आल्यानंतर त्यांच्या समर्थकांमध्ये अस्वस्थता निर्माण झाली. आंदोलनाची दिशा कायम ठेवण्यासाठी अभिजित दिपके यांनी आमरण उपोषणाची जबाबदारी स्वीकारत जंतर-मंतरवर उपोषण सुरू केले. त्यांच्या उपोषणाला विद्यार्थी, सामाजिक कार्यकर्ते आणि विविध संघटनांकडून पाठिंबा मिळत आहे.

जवान थेट आंदोलनस्थळी सहभागी

दरम्यान, राजस्थानचे रहिवासी आणि बीएसएफचे जवान भवरलाल साईन यांनी विशेषतः २० दिवसांची रजा घेऊन दिल्ली गाठली. हातात शहीद भगतसिंह यांचा फोटो आणि खांद्यावर तिरंगा घेऊन त्यांनी आंदोलनात सहभाग नोंदवला. सरकारी सेवेत कार्यरत असलेला एक जवान थेट आंदोलनस्थळी सहभागी झाल्याने या घटनेची देशभरात चर्चा सुरू झाली आहे.

आंदोलनादरम्यान भवरलाल साईन यांनी अभिजित दिपके यांची भेट घेत त्यांना पाठिंबा व्यक्त केला. आंदोलन शांततेच्या मार्गाने पुढे सुरू राहावे, अशी भूमिका आंदोलकांनी मांडली असून, पुढील काळात या आंदोलनाकडे देशाचे लक्ष लागले आहे.

या संपूर्ण घडामोडींचा आढावा आमचे प्रतिनिधी अमोल धर्माधिकारी यांनी घेतला आहे.