Pradeep Rawat Death: हिंदीसह दक्षिण भारतीय चित्रपटसृष्टीत आपल्या दमदार अभिनयाने वेगळी ओळख निर्माण करणारे ज्येष्ठ अभिनेते प्रदीप रावत यांचे निधन झाले, ते ७४ वर्षांचे होते. त्यांच्या निधनामुळे चित्रपटसृष्टीत शोककळा पसरली असून अनेक कलाकारांनी त्यांना श्रद्धांजली अर्पण केली आहे. (Ghajini actor)
प्रदीप रावत (Pradeep Rawat) गेल्या काही काळापासून गंभीर आजाराशी झुंज देत होते. त्यांच्या व्यवस्थापकाने दिलेल्या माहितीनुसार, काही वर्षांपूर्वी त्यांना रक्ताचा कर्करोग (Blood Cancer) झाल्याने निदान झाले होते. उपचारांनंतर त्यांची प्रकृती सुधारली होती. मात्र काही आठवड्यांपूर्वी आजार पुन्हा बळावल्याने त्यांच्यावर रुग्णालयात उपचार सुरू होते. उपचारादरम्यान त्यांनी अखेरचा श्वास घेतला.
आज होणार अंत्यसंस्कार
अभिनेत्याच्या पार्थिवाचे मुंबईत अंत्यदर्शन ठेवण्यात येणार असून त्यानंतर शासकीय सन्मानाने अंत्यसंस्कार करण्यात येणार आहेत. कुटुंबीय, मित्रपरिवार आणि चित्रपटसृष्टीतील अनेक मान्यवर त्यांना अखेरचा निरोप देणार आहेत.
अनेक गाजलेल्या चित्रपटांतील दमदार भूमिका ( Pradeep Rawat )
प्रदीप रावत यांनी आपल्या चार दशकांच्या कारकिर्दीत हिंदी, तेलुगू, तमिळ, कन्नड आणि बंगाली चित्रपटांमध्ये विविध भूमिका साकारल्या. सरफरोश, लगान, अग्निपथ आणि गजिनी यांसारख्या चित्रपटांतील त्यांच्या भूमिका विशेष गाजल्या. विशेषतः खलनायकाच्या भूमिकांमधील त्यांचा प्रभावी अभिनय प्रेक्षकांच्या कायम स्मरणात राहिला.
तेलुगू चित्रपटसृष्टीतील त्यांच्या अभिनयासाठी त्यांना अनेक प्रतिष्ठित पुरस्कारांनीही गौरविण्यात आले होते. 200 हून अधिक चित्रपटांमध्ये काम करत त्यांनी भारतीय चित्रपटसृष्टीत स्वतःचा वेगळा ठसा उमटवला.
कलाकारांकडून श्रद्धांजली
प्रदीप रावत यांच्या निधनानंतर अनेक अभिनेते, दिग्दर्शक आणि चाहत्यांनी सोशल मीडियावरून शोक व्यक्त केला आहे. त्यांच्या अभिनयाची शैली, दमदार व्यक्तिमत्त्व आणि संस्मरणीय भूमिका यांची आठवण काढत अनेकांनी त्यांना भावपूर्ण श्रद्धांजली वाहिली आहे.
