Sindhutai Sapkal Son POCSO Case: अमरावती जिल्ह्यातील चिखलदरामध्ये दिवंगत समाजसेविका सिंधूताई सपकाळ यांच्या मुलाविरोधात अल्पवयीन मुलीच्या कथित लैंगिक छळप्रकरणी पॉक्सो कायद्याअंतर्गत गुन्हा दाखल करण्यात आला आहे.
Sindhutai Sapkal Son POCSO Case: अमरावती जिल्ह्यातील चिखलदरा ( Amravati Crime Latest News) येथे दिवंगत ज्येष्ठ समाजसेविका सिंधूताई सपकाळ यांच्या कुटुंबाशी संबंधित एक गंभीर प्रकरण समोर आले आहे. सिंधूताईंचे ( Sidhutai sapkal) पुत्र दिगंत अरुण सपकाळ ( Arun Sapkal POCSO Case ) यांच्याविरोधात एका अल्पवयीन मुलीच्या कथित लैंगिक छळप्रकरणी चिखलदरा ( Chikhaldara Crime Latest News) पोलिसांनी पॉक्सो कायद्याअंतर्गत गुन्हा दाखल केला असून, या घटनेमुळे सामाजिक क्षेत्रात मोठी चर्चा सुरू झाली आहे.
पोलिसांनी दिलेल्या माहितीनुसार, संबंधित मुलगी एका वसतिगृहात राहत असून तिच्या जबाबाच्या आधारे गुन्ह्याची नोंद करण्यात आली आहे. तक्रारीत लैंगिक छळाचे गंभीर आरोप करण्यात आले असून, त्यानंतर पोलिसांनी तातडीने कायदेशीर प्रक्रिया सुरू केली.
हेही वाचा: BCCI ची मोठी घोषणा! आता १४४ विकेट्स घेणाऱ्या माजी फिरकीपटूवर टीम इंडियाच्या निवडीची धुरा?
या कलमांखाली गुन्हा दाखल
या प्रकरणात भारतीय न्याय संहिता (BNS) मधील कलम ७८, ७९ आणि ३५१(२) यांसह बाल लैंगिक अत्याचार प्रतिबंधक (POCSO) कायद्यातील कलम ६ आणि १२ अंतर्गत गुन्हा दाखल करण्यात आला आहे. पोलिसांकडून या प्रकरणाचा सखोल तपास सुरू असून संबंधित व्यक्तींची चौकशी केली जात आहे.
२८ सप्टेंबरच्या घटनेचा आरोप
तक्रारीनुसार, २८ सप्टेंबर रोजी सायंकाळी साडेपाचच्या सुमारास ही कथित घटना घडल्याचा दावा करण्यात आला आहे. या आरोपांची सत्यता तपासाअंती स्पष्ट होणार असून, पोलिस पुरावे आणि संबंधितांच्या जबाबांच्या आधारे पुढील कारवाई करत आहेत.
हे प्रकरण दिवंगत सिंधूताई सपकाळ यांच्या कार्याशी संबंधित संस्थेशी जोडले गेल्याने सामाजिक क्षेत्रातही त्याची मोठी चर्चा सुरू झाली आहे. मात्र, सध्या संबंधित व्यक्तीवर आरोप झाले असून न्यायालयीन प्रक्रियेनंतरच दोष किंवा निर्दोषत्वाबाबत अंतिम निष्कर्ष निघणार आहे.
पोलिसांचे आवाहन
तपास सुरू असल्यामुळे पोलिसांनी या प्रकरणातील अधिक तपशील उघड करण्यास नकार दिला आहे. अधिकृत तपास पूर्ण होईपर्यंत अफवांवर विश्वास न ठेवण्याचे आणि केवळ अधिकृत माहितीलाच महत्त्व देण्याचे आवाहनही करण्यात येत आहे.
