July 2026 Hindu Festivals: जुलै 2026 हा धार्मिकदृष्ट्या अत्यंत महत्त्वाचा महिना ठरणार आहे. या महिन्यातील एकादशी, गुरु पौर्णिमा, रथयात्रा आणि इतर प्रमुख सणांची संपूर्ण माहिती येथे वाचा.
जुलै २०२६ हा (July 2026 Hindu Festivals) महिनाहिंदू धर्मीयांसाठी अनेक महत्वाच्या धार्मिक पर्वांनी सजलेली आहे. आषाढ महिन्यात येणारे विविध सण, व्रत आणि उत्सव यामुळे हा कालावधी भक्ती, साधना आणि धार्मिक विधींसाठी विशेष मानला जातो. या महिन्यात भगवान विष्णू, भगवान जगन्नाथ, भगवान शिव आणि गुरूंच्या पूजनाशी संबंधित अनेक महत्वाच्या तिथी येत आहेत.
विशेष म्हणजे जगन्नाथ रथयात्रा, कर्क संक्रात, आषाढी एकादशी आणि गुरु पौर्णिमा हे जुलैमधील प्रमुख धार्मिक उत्सव आहेत. देशभरातील लाखो भाविक या दिवशी उपवास, पूजन, दानधर्म आणि धार्मिक कार्यक्रमांमध्ये सहभागी होतात.
हेही वाचा: मुंबई, कोकण, पुण्यासह अनेक भागांत मुसळधार पावसाची शक्यता; IMD चा मोठा इशारा
योगिनी एकादशी
आषाढ महिन्यातील कृष्ण पक्षातील योगिनी एकादशीला विशेष धार्मिक महत्व आहे. स्मार्त परंपरेनुसार हे व्रत 10 जुलै रोजी, तर वैष्णव संप्रदायानुसार 11 जुलै रोजी पाळले जाईल. या दिवशी भगवान विष्णूंची पूजा, विष्णू सहस्रनामाचे पठण आणि दिवसभर उपवास करण्याची परंपरा आहे. या व्रतामुळे पापांचा क्षय होऊन जीवनात सुख, शांती आणि आध्यात्मिक उन्नती मिळते, अशी श्रद्धा आहे. (Latest Marathi News)
जगन्नाथ रथयात्रा
पुरी येथील जगप्रसिद्ध जगन्नाथ रथयात्रा १६ जुलै रोजी साजरी होणार आहे. भगवान जगन्नाथ, बालभद्र आणि सुभद्रा यांच्या भव्य रथांची मिरवणूक लाखो भाविकांच्या उपस्थितीत निघते. या दिवशी रथाचे दर्शन आणि रथ ओढण्याला अत्यंत पुण्यकारक मानले जाते.
तसेच याच दिवशी म्हणजे १६ जुलै रोजी कर्क संक्रांत देखील आहे. सूर्य कर्क राशीत प्रवेश करतो आणि दक्षिणायनाची सुरुवात होते. या दिवशी पवित्र नद्यांमध्ये स्नान, दानधर्म आणि सूर्योपासनेला विशेष महत्त्व दिले जाते. (LS Marathi News Channel)
आषाढी एकादशी
आषाढी एकादशीपासून चातुर्मासाचा प्रारंभ होतो. धार्मिक मान्यतेनुसार भगवान विष्णू या दिवसापासून योगनिद्रेत जातात. त्यामुळे अनेक भाविक या दिवसापासून चार महिन्यांसाठी विशेष व्रत, जप, तप, भजन आणि सात्त्विक जीवनशैलीचे पालन सुरू करतात. तसेच लाखो भक्त पालखी सोबत पंढरपूरला पायी जातात.
गुरु पौर्णिमा
आषाढ पौर्णिमा ही यंदा 29 जुलैला साजरी होणार आहे. गुरु पौर्णिमा ही गुरु, शिक्षक आणि मार्गदर्शकांप्रती आदर व्यक्त करण्याचा दिवस आहे. या दिवसाला व्यास पौर्णिमा असेही म्हणतात. महर्षी वेदव्यास यांच्या स्मरणार्थ हा उत्सव साजरा केला जातो. याच दिवशी सत्यनारायण पूजा, ध्यान, जप आणि दानधर्म करण्यालाही विशेष महत्त्व आहे. (Lokshevay Marathi News)
