Sinhgad College student suicide : सोलापूर जिल्ह्यातील पंढरपूरच्या कोर्टी येथील सिंहगड महाविद्यालयात शिक्षण घेणाऱ्या एका विद्यार्थ्याने महाविद्यालयाच्या वसतीगृहातील राहत्या खोलीत गळफास घेऊन आत्महत्या केली. खोलीच्या दरवाजाला कडी लावुन दोन टॉवेलची गाठ मारुन छताच्या पंख्याला लटकून गळफास घेतल्याची घटना उघडकीस आली आहे. केदार धनंजय घाडगे (वय १९, रा. ईडा, जि. धाराशिव) असे आत्महत्या केलेल्या विद्यार्थ्याचे नाव आहे.

हेही वाचा – काळीज पिळवटून टाकणारी घटना! ८ तासांपूर्वी जन्मलेल्या लेकीने लष्कारातील बापाचे घेतले अंतिम दर्शन

पोलीसांकडून मिळालेल्या माहीतीनुसार, केदार धनंजय घाडगे हा पंढरपूर तालूक्यातील कार्टी येथील सिंहगड कॉलेज येथे इलेक्ट्रॉनिक्स अँड टेलिकम्युनिकेशन च्या दुसऱ्या वर्षाला शिक्षणास होता. तसेच तो सिंहगड कॉलेज हॉस्टेल येथेच कॅम्पसमध्ये राहण्यास होता. केदारने होस्टेलच्या रुमच्या दरवाज्याला आतून कडी लावली होती. आणि दोन टॉवेलची गाठ मारुन त्याने रुममधील सिलिंग फॅनला गळफास घेतला आहे.

उपजिल्हा रुग्णालय पंढरपुर येथे दाखल करण्यात आलं होतं 

त्याच्या मित्रांनी रुमचा दरवाजा तोडुन त्याला औषधोपचारास उपजिल्हा रुग्णालय पंढरपुर येथे घेऊन गेलो. तेथील वैद्यकीय अधिकाऱ्यांनी तपासून पाहीले आणि त्याचा उपचारापूर्वीच मृत्यू झाला असल्याचे सांगितले. याबाबत केदारच्या मामा सिद्धेश्वर हनुमंत काकडे (वय ३३, रा. ढगपिंपरी, ता-परांडा जि. धाराशिव) यांनी पोलीस ठाण्यात माहीती कळविली आहे.

त्याला १० आणि १२ वीच्या परिक्षेत उत्तम मार्क

संबंधीत विद्यार्थ्याच्या आत्महत्येचे मृत्यचे कारण स्पष्ट झाले नाही. केदार खूप हुशार होता. त्याला १० आणि १२ वीच्या परिक्षेत उत्तम मार्क पडले होते. मात्र त्याने हे टोकाचे पाऊल का उचलले हे समजले नाही, असे त्यांनी म्हटलं आहे.