Iran Drone Rally | अमेरिका (US) आणि इस्रायलसोबत (Israel) आणखी एका युद्धाच्या (War) भीतीच्या पार्श्वभूमीवर इराणी जनता आपल्या सैन्याला पाठिंबा देऊन आपला उत्साह सातत्याने वाढवत आहे. गेल्या दोन दिवसांपासून इराणी जनता आपल्या सैन्याच्या समर्थनार्थ रात्रभर मोर्चे काढत आहे. इराणचे इस्लामिक रिव्होल्यूशनरी गार्ड कॉर्प्स (IRGC) देखील या मोर्च्यांमध्ये सहभागी होत आहे. याचाच एक भाग म्हणून, इराणी जनतेने बुधवारी (22 एप्रिल) रात्री तेहरानमध्ये ड्रोन रॅलीचे (Drone Rally) आयोजन केले होते. या रॅलीमध्ये IRGC ने शक्तिशाली शाहेद-136 ड्रोन प्रदर्शित केला.

हेही वाचा – मी झालमुरी खाल्ली पण मिरची TMCला लागली…, पंतप्रधान मोदींचा खोचक टोला, पश्चिम बंगालमध्ये केला उपरोधिक हल्ला

इस्रायल-अमेरिकेविरुद्ध इराणी नागरिकांनी व्यक्त केला संताप

अमेरिका-इस्रायल संघर्षाच्या पार्श्वभूमीवर इराणच्या नैऋत्येकडील अहवाज शहरात दररोज रात्री मोठ्या संख्येने लोक रस्त्यावर उतरत आहेत. इराणी नागरिक इस्रायल आणि अमेरिकेविरुद्ध तीव्र संताप व्यक्त करत आहेत. विशेष म्हणजे, अनेक नवविवाहित जोडपीसुद्धा त्यांच्या लग्नसमारंभादरम्यान या मेळाव्यांमध्ये सामील होत आहेत आणि सरकार व इराणी सशस्त्र दलांना आपला खंबीर पाठिंबा दर्शवत आहेत.

Shahed 136 drones paraded throughout Iran in celebration of IRGC Day pic.twitter.com/mS60eqqJYu

— Jackson Hinkle 🇺🇸 (@jacksonhinklle) April 22, 2026

अलीकडेच, एका नवविवाहित जोडप्याचा फोटो आणि व्हिडिओ सोशल मीडियावर व्हायरल होत आहे. लग्नाच्या पोशाखात सजलेले वधू-वर रात्रीच्या अंधारात हजारो लोकांसोबत उभे असलेले दिसत आहेत. ते घोषणा देत आहेत, झेंडे फडकवत आहेत आणि इराणच्या सार्वभौमत्वाला व लष्करी सामर्थ्याला पाठिंबा दर्शवत आहेत. हे दृश्य देशभक्ती आणि प्रेमाचे एक अनोखे मिश्रण दर्शवते. इराणच्या सरकारी वृत्तवाहिनी प्रेसटीव्हीनुसार, अशी अनेक नवविवाहित जोडपी तेहरान, केरमानशाह, बुशेहर आणि अहवाजसह इतर शहरांमध्ये या रात्रीच्या रॅलींमध्ये सहभागी होत आहेत. काही जोडप्यांनी तर या सार्वजनिक मेळाव्यांमध्ये त्यांच्या लग्नाचे विधीसुद्धा पूर्ण केले आहेत. त्यांचा विश्वास आहे की, या कठीण काळात देशाचे संरक्षण आणि एकतेपेक्षा वैयक्तिक आनंद अधिक महत्त्वाचा असू शकत नाही.

Newlywed Iranian couple joins nightly gatherings in Ahvaz to voice support for the government and armed forces.

Follow: https://t.co/mLGcUTS2ei pic.twitter.com/vr5cr8ZQoy

— Press TV 🔻 (@PressTV) April 23, 2026

या मेळाव्यांच्या माध्यमातून इराणी नागरिक आपल्या शत्रूंना स्पष्ट संदेश देत आहेत की, ते आपल्या सरकार, सर्वोच्च नेते आणि सशस्त्र दलांच्या पाठीशी खंबीरपणे उभे आहेत. या रात्रीच्या सभा विशेष आहेत कारण दिवसभराच्या धावपळीनंतर लोक आपली एकता दर्शवण्यासाठी मोठ्या संख्येने बाहेर पडत आहेत.