बंगळुरु RCB vs GT : आज आरसीबी (रॉयल चॅलेंजर्स बंगलोर) आणि गुजरात टायटन्स यांच्यात एक महत्त्वपूर्ण आयपीएल सामना खेळला जाईल. हा सामना बंगळुरु येथील एम. चिन्नास्वामी स्टेडियमवर होणार आहे. आरसीबीचा कर्णधार रजत पाटीदार असला तरी, सर्वांचं लक्ष विराट कोहलीवर असेल. याचा अर्थ विराट कोहली आणि गुजरात टायटन्सचा कर्णधार शुभमन गिल आज एकमेकांसमोर उभे ठाकतील.

हेही वाचा : “दीदी जात आहे, भाजप येत आहे…”, बंगालमध्ये पहिल्या टप्प्यात भाजपची

आरसीबीचं पारडं जड :

आज आयपीएलचा 34वा सामना खेळला जाईल. सामना बंगळुरुमध्ये होणार असल्यानं, संघाचं पारडं जड असेल हे उघड आहे. स्टेडियम बदललं असलं तरी, तिथं अजूनही भरपूर धावा होतात आणि फलंदाज याचा पुरेपूर फायदा घेतात. बंगळुरुचे चाहते आपल्या घरच्या संघाला ज्या प्रकारे पाठिंबा देतात, ते काही गुपित नाही. आरसीबीसाठी, विराट कोहली आणि फिल सॉल्ट ही शक्तिशाली जोडी डावाची सुरुवात करते. रजत पाटीदार मधल्या षटकांमध्ये स्फोटक फलंदाजी करतो. संघाकडे शेवटच्या षटकांमध्ये धावा करण्यासाठी एक मजबूत फळी देखील आहे.

गुजरात मोठ्या पराभवानंतर सामन्यात :

गुजरात टायटन्सबद्दल बोलायचं झाल्यास, हा संघ मागील सामन्यात मुंबई इंडियन्सकडून 99 धावांनी पराभूत झाला आहे, ज्यामुळं त्यांच्या नेट रन रेटलाही धक्का बसला आहे. साई सुदर्शन धावा करत नाहीये. मात्र, शुभमन गिल आणि जॉस बटलर विजयासाठी जबाबदार असतील. आरसीबीची उत्कृष्ट गोलंदाजी फळी, ज्यात जोश हेझलवूड आणि भुवनेश्वर कुमार या भेदक जोडीचा समावेश आहे, त्यांच्यासमोर एक आव्हान उभं करु शकतं.

दोन्ही संघांचा हेड टू हेड रेकॉर्ड :

आरसीबी आणि गुजरात टायटन्सनं आयपीएलमध्ये एकूण सहा सामने खेळले असून, दोन्ही संघांनी प्रत्येकी तीन सामने जिंकले आहेत. बंगळुरुच्या एम. चिन्नास्वामी स्टेडियमवर दोन्ही संघांमधील रेकॉर्डबद्दल बोलायचं झाल्यास, आरसीबी आणि गुजरात टायटन्स यांच्यात इथं तीन सामने खेळले गेले आहेत, ज्यात गुजरात टायटन्सनं तिन्ही सामने जिंकले आहेत, तर आरसीबीला फक्त एकच सामना जिंकता आला. गेल्या हंगामात दोन्ही संघांमध्ये फक्त एकच सामना खेळला गेला होता आणि तो सामना गुजरात टायटन्सनं जिंकला होता.

सामन्यासाठी दोन्ही संघ :

• रॉयल चॅलेंजर्स बंगळुरु : रजत पाटीदार (कर्णधार), अभिनंदन सिंह, भुवनेश्वर कुमार, देवदत्त पडिक्कल, जितेश शर्मा, क्रुणाल पंड्या, रसिख डार, सुयश शर्मा, स्वप्निल सिंह, विराट कोहली, वेंकटेश अय्यर, मंगेश यादव, कनिष्क चौहान, विहान मल्होत्रा, विक्की ओस्तवाल, सात्विक देसवाल.
• गुजरात टायटन्स : शुभमन गिल (कर्णधार), अनुज रावत, जॉस बटलर, कुमार कुशाग्र, शाहरुख खान, ग्लेन फिलिप्स, राशिद खान, मानव सुथार, निशांत सिंधु, राहुल तेवतिया, वॉशिंगटन सुंदर, गुरनूर बराड, मोहम्मद सिराज, प्रसिद्ध कृष्णा, कगिसो रबाडा, रविश्रीनिवासन साई किशोर, जयंत यादव, ईशांत शर्मा, अशोक शर्मा, जेसन होल्डर, टॉम बँटन, पृथ्वी राज यारा, ल्यूक वुड, साई सुदर्शन, अरशद खान.