Ghaziabad Pacific Mall Fire | उत्तर प्रदेशातील (Uttar Pradesh) गाझियाबादमध्ये (Ghaziabad) मोठी दुर्घटना घडली आहे. गाझियाबादमधील प्रसिद्ध पॅसिफिक मॉलला भीषण आग (Pacific Mall Fire) लागल्याची घटना घडली आहे. मॉलला लागलेली ही आग एवढी भीषण होती की अग्निशमन दल देखील हादरून गेले होते. सध्या या थरारक घटनेचा व्हिडीओ सोशल मीडियावर मोठ्या प्रमाणात व्हायरल होत आहे.
गाझियाबादच्या प्रसिद्ध पॅसिफिक मॉलमध्ये भीषण आग
मिळालेल्या माहितीनुसार, गाझियाबादच्या प्रसिद्ध पॅसिफिक मॉलमध्ये भीषण आग लागली आहे. आज (21 मे) सकाळी पॅसिफिक मॉलमध्ये असलेल्या सिनेमाच्या प्रोजेक्टर रूममध्ये भीषण आग लागली. या घटनेची माहिती मिळताच, सहाहून अधिक अग्निशमन दलाच्या गाड्या घटनास्थळी दाखल झाल्या असून आग विझवण्याचे काम करत आहेत. लिंक रोड पोलीस ठाण्याच्या हद्दीतील कौशांबी आनंद विहार सीमेवर असलेल्या पॅसिफिक मॉलमध्ये ही आग लागली.
या घटनेबाबतची माहिती प्रशासनाकडून देण्यात आली आहे. प्रशासनाने दिलेल्या माहितीनुसार, गाझियाबाद साहिबाबाद येथील पॅसिफिक मॉलमधील चित्रपटगृहात आग लागली. या घटनेची माहिती मिळताच अग्निशमन दलाच्या गाड्या तातडीनं घटनास्थळी रवाना झाल्या. घटनास्थळी पोहोचल्यावर असं दिसून आलं की, चित्रपटगृहाच्या प्रोजेक्टर रूम आणि चित्रपटगृहात भीषण आग लागली होती, ज्यामुळे संपूर्ण मॉलमध्ये धूर पसरला होता. तर सध्या आग विझवण्याचे प्रयत्न सुरू आहेत. ही आग नेमकी कशामुळे लागली याचे कारण अद्याप कळलेले नाहीये.
#WATCH | Ghaziabad, UP | Fire broke out in the projector room of the cinema hall at Pacific Mall in Kaushambi. Efforts to douse the fire are underway.
CFO Rahul Kumar says, “On May 21, 2026, at approximately 7.21 AM, the Vaishali Fire Station received a report of a fire at the… pic.twitter.com/PGd3Jgd1Tf
— ANI (@ANI) May 21, 2026
मॉलमध्ये लागलेली ही आग ही एवढी भीषण आहे की अग्निशमन दलाच्या पथकाने होज पाईपच्या आठ रांगा टाकून आणि मॉलच्या अग्निशमन प्रणालीचा वापर करून आग विझवण्यास सुरुवात केली आहे. आगीची तीव्रता लक्षात घेता कोतवाली आणि साहिबाबाद अग्निशमन केंद्रातून त्यांच्या प्रभारी अधिकाऱ्यांसह इतर वाहने बोलावण्यात आली आहेत. अग्निशमन दलाच्या पथकाने सुमारे एक तास अथक परिश्रम करत आगीवर नियंत्रण मिळवले आहे. तसेच या घटनेत सुदैवानं कोणतीही जीवितहानी झालेली नाहीये.
