मनोज जरांगे पाटील यांच्या आझाद मैदानातील आंदोलनाच्या पार्श्वभूमीवर OBC समाज आक्रमक झाला असून पुण्यात महत्त्वाची बैठक बोलावण्यात आली आहे. लक्ष्मण हाके, मंगेश ससाने यांच्यासह राज्यातील प्रमुख ओबीसी कार्यकर्ते उपस्थित राहणार आहेत. मराठा समाजाला ओबीसीत सामावून घेण्यास तीव्र विरोध व्यक्त करत, सरकार जरांगे यांच्या झुंडशाहीपुढे झुकत असल्याचा आरोप ओबीसी कार्यकर्त्यांनी केला आहे. झुंडशाहीला झुंडशाहीने उत्तर द्यावे लागेल, अशा भूमिका मांडत या बैठकीत पुढील आंदोलनाची दिशा ठरणार आहे.