India West Indies Series 2026: भारताच्या आगामी वेस्ट इंडिज दौऱ्यासाठी संघनिवडीची महत्वाची बैठक बुधवारी होणार आहे. या बैठकीत वनडे आणि टी २० मालिकांसाठी भारतीय संघ निश्चित केला जाईल. विशेष म्हणजे, मुख्य निवडकर्ता अजित अगरकर यांच्या कार्यकाळाबाबतही या बैठकीदरम्यान चर्चा होण्याची शक्यता आहे.

अजित अगरकर यांनी जुलै २०२३ मध्ये भारताच्या वरिष्ठ निवड समितीचे अध्यक्षपद स्वीकारले होते. आता त्यांचा करार संपण्याच्या मार्गावर असल्याने ते मुख्य निवडकर्ता म्हणून पुढेही कायम राहणार की पद सोडणार, याकडे क्रिकेट चाहत्यांचे लक्ष (Team Selection 2026) लागले आहे.

संध्याकाळी होणार संघनिवड

भारतीय निवड समितीची बैठक बुधवारी संध्याकाळी 6 वाजल्यानंतर होण्याची शक्यता आहे. यामध्ये वेस्ट इंडिजविरुद्धच्या तीन वनडे आणि पाच टी-20 सामन्यांसाठी संघ निवडला ( India West Indies Series) जाईल. याशिवाय ईशान कपसाठीही खेळाडूंची निवड होण्याची शक्यता आहे. वेस्ट इंडिजविरुद्धची वनडे मालिका 27 सप्टेंबरपासून सुरू होणार असून टी-20 मालिकेला 6 ऑक्टोबरपासून सुरुवात होईल.

हेही वाचा: बिस्किट-नमकीनला द्या ब्रेक! चहासोबत खा कुरकुरीत खाखरा-बटाटा चाट; लगेच नोट करा रेसिपी

अगरकर यांच्या पदाबाबत काय होणार?

अजित अगरकर (Ajit Agarkar) यांचा करार पुढे वाढवला जाणार का, याबाबत अद्याप स्पष्टता नाही. विशेषतः 2027 मध्ये होणाऱ्या वनडे विश्वचषकापर्यंत ते निवड समितीचे नेतृत्व करणार का, हा महत्त्वाचा प्रश्न आहे. (India Team Selection 2026)

अलीकडे झालेल्या बीसीसीआयच्या आढावा बैठकीत अगरकर सहभागी झाले नव्हते. त्यानंतर त्यांच्या पदावरून पायउतार होण्याच्या चर्चांना वेग आला. पीटीआयच्या वृत्तानुसार, वेस्ट इंडिज मालिकेसाठी होणारी बैठक त्यांच्या अध्यक्षतेखालील शेवटची बैठक ठरू शकते.

रोहित शर्माबाबत पुन्हा चर्चा?

या संघनिवडीत सर्वाधिक लक्ष रोहित शर्माच्या भवितव्याकडे असेल. इंग्लंड दौऱ्यादरम्यान रोहितच्या वनडे क्रिकेटमधील भवितव्याबाबत चर्चा झाली होती.

निवडकर्त्यांकडून भविष्यातील वनडे योजनांमध्ये रोहितचा समावेश न करण्याचा विचार असल्याचे वृत्त समोर आले होते. मात्र बीसीसीआयचे सचिव देवजीत सैकिया यांनी त्यानंतर रोहित भारताच्या वनडे योजनांचा भाग असल्याचे स्पष्ट केले होते.

विशेष म्हणजे, इंग्लंडविरुद्धच्या शेवटच्या वनडे सामन्यात रोहितने शानदार शतक झळकावले होते. त्यामुळे आगामी मालिकेसाठी त्याची निवड होते का, याकडे विशेष लक्ष असेल.

वनडे संघनिवडीत आव्हान

टी-20 संघाबाबत फार मोठे बदल होण्याची शक्यता नसली तरी वनडे संघाची निवड निवडकर्त्यांसाठी महत्त्वाची ठरणार आहे. 2027 च्या वनडे विश्वचषकाच्या पार्श्वभूमीवर संघाची भविष्यातील दिशा निश्चित करण्यासाठी प्रत्येक निर्णयाकडे बारकाईने पाहिले जाईल.

आता बुधवारी होणाऱ्या बैठकीनंतरच अगरकर यांच्या पदाबाबत आणि रोहित शर्माच्या वनडे भवितव्याबाबत नेमके चित्र स्पष्ट होणार आहे.