Oily Skin Care Routine | सध्या कडक उन्हाळ्याचे (Summer) दिवस सुरू आहेत. तर उन्हाळ्याच्या या दिवसांमध्ये बऱ्याच जणांची स्किन ही तेलकट (Oily Skin) होते. तसेच उन्हात बाहेर पडल्याने बऱ्याच जणांचा चेहरा चिकट आणि तेलकट वाटू शकतो. घाम, धूळ आणि वाढलेले तेल उत्पादन या सर्वांमुळे तुमची त्वचा आणखी खराब होऊ शकते. तर अशावेळी त्वचेची काळजी घेण्याच्या काही सोप्या आणि प्रभावी टिप्सचे पालन करून तुम्ही उन्हाळ्यातही तुमची त्वचा चमकदार आणि तेलमुक्त ठेवू शकता.
हेही वाचा – केमिकल्सला करा रामराम; पांढरे केस काळे करायचेत? कढीपत्ता ठरेल नैसर्गिक उपाय
तेलकट त्वचेच्या समस्येपासून सुटका मिळवण्यासाठी काय करावे?
उन्हाळ्यात तापमान आणि आर्द्रता वाढते ज्यामुळे त्वचेतील तेल ग्रंथी उत्तेजित होतात. तसेच घाम, सूर्यप्रकाश आणि निर्जलीकरणामुळे देखील त्वचा तेलकट होऊ शकते. तेलकट त्वचेमुळे मुरुमे, त्वचेची छिद्रे बंद होणे आणि चिकटपणा यांसारख्या समस्या उद्भवू शकतात. सेबमच्या उत्पादनामुळे तुमची त्वचा तेलकट दिसू शकते आणि मेकअप अधिक लवकर निघून जाऊ शकतो. तर तुम्हीही या तेलकट त्वचेमुळे त्रस्त आहात का? जर असाल तर आता आपण काही स्कीन केअरचे रूटीन जाणून घेणार आहोत ज्यामुळे तुमची स्किन ग्लोइंग होण्यास मदत होईल.
वारंवार चेहरा धुणे टाळा : तेलकट त्वचा असलेल्यांना उन्हाळ्यात दिवसातून दोनदा चेहरा धुण्याचा सल्ला दिला जातो. वारंवार चेहरा धुतल्याने त्वचेतील नैसर्गिक तेल निघून जाते, ज्यामुळे त्याची भरपाई करण्यासाठी त्वचेला अधिक तेल तयार करावे लागते. त्यामुळे उन्हाळ्याच्या दिवसांमध्ये वारंवार चेहरा धुवू नका.
जेल आधारित क्लीन्सर वापरा – उन्हाळ्यात तेलकट त्वचा असलेल्यांनी सॅलिसिलिक ॲसिड, अॅलोवेरा जेला किंवा टी ट्री ऑइल असलेले सौम्य जेल आधारित क्लीन्सर वापरावे. हे घटक तुमची त्वचा जास्त तेलकट दिसू न देता तेल नियंत्रित करण्यास मदत करतात.
सनस्क्रीन – उन्हाळ्यात तेलकट त्वचा टाळण्यासाठी SPF 30 किंवा त्याहून अधिक असलेले मॅट, जेल-आधारित सनस्क्रीन वापरा. झिंक ऑक्साईड असलेले सनस्क्रीन तेलकटपणा नियंत्रणात ठेवण्यास मदत करतात आणि ते स्कीनसाठी अधिक फायदेशीर ठरतात.
जेल आधारित मॉइश्चरायझर – तेलकट त्वचा असलेल्या व्यक्तींनी जेल आधारित मॉइश्चरायझर वापरावे. ते त्वचेला तेलकट न करता आर्द्र ठेवते. नेहमी हायलुरोनिक ॲसिड असलेले मॉइश्चरायझर निवडा. हे त्वचेला आर्द्रता देतात आणि तेलाचे उत्पादन संतुलित ठेवतात.
