Thackeray brothers alliance announcement : मागील काही दिवसांपासून दोन्ही ठाकरे बंधु एकत्र येणार असल्याच्या चर्चा रंगत होत्य. मात्र, त्याला काही मुहूर्त मिळत नव्हता. अखेर शिवसेनेचे नेते आणि खासदार संजय राऊत यांनी उद्या दुपारी १२ वाजता ठाकरे बंधुंच्या युतीची घोषणा होणार असल्याची माहिती दिली आहे. राऊत यांनी याबाबतची अधिकृत माहिती दिली आहे. त्यानी आपल्या एक्स या सोशल मिडिया अकाउंटवर याबाबतची माहिती शेअर केली आहे. मागील दोन महिन्यांपासून रंगणाऱ्या ठाकरे बंधुंच्या युतीच्या चर्चेला उद्या अखरे पूर्णविराम मिळणार का ? हे पाहाणं महत्त्वाचं ठरणार आहे.
हेही वाचा – उपमुख्यमंत्री अजित पवार करणार महाविकास आघाडीत प्रवेश ? चर्चांना उधाण
महत्त्वाचं म्हणजे उद्धव ठाकरे हे महाविकास आघाडीतील महत्त्वाचा पक्ष काँग्रेसला सोडून आपले बंधु राज ठाकरे यांच्यासोबत निवडणुकीच्या रिंगणात उतरणार आहेत. मिळालेल्या माहितीनुसार, राज ठाकरे आणि उद्धव ठाकरे यांच्या पक्षाचे जागावाटप, प्रचाराची दिशा, निवडणूक रणनीती यावर एकमत झाल्याचे सांगण्यात आले आहे. त्याचबरोबर मुंबई महानगरपालिकेत मराठी महापौर बसवण्याच्या मुद्द्यावर दोन्ही ठाकरे बंधु आग्रही असल्याचं सांगण्यात आलं आहे. या युतीची घोषणा झाल्यास मुंबईसह राज्यातील अनेक महापालिकांच्या राजकारणात मोठी उलथापालथ होण्याची शक्यता वर्तवण्यात येत आहे. त्यामुळे मागील काही दिवसांपासून या युतीच्या निर्णयाकडे संपूर्ण राज्याचं लक्ष लागलं आहे.
उद्या
१२ वाजता pic.twitter.com/ob47tQxhGG— Sanjay Raut (@rautsanjay61) December 23, 2025
दरम्यान, खासदार राऊत यांनी ट्विटमध्ये ठाकरे बंधू युतीची घोषणा कुठे करणार याबाबत कोणतीही अधिकृत माहिती देण्यात आलेली नाही. त्यामुळे एका हॉटेलमध्ये राज ठाकरे आणि उद्धव ठाकरे युतीची घोषणा करतील, अशी शक्यता वर्तवली जात आहे. या पत्रकार परिषदेत कोण किती जागांवर लढणार आणि कुठल्या महापालिकेसाठी युतीत लढणार हे देखील स्पष्ट होईल, अशी शक्यता वर्तवण्यात येत आहे. त्यामुळे उद्या १२ वाजता शिवसेना (ठाकरे) आणि मनसे यांच्या युतीचे चित्र स्पष्ट होईल.
