Walmik Karad | मस्साजोगचे सरपंच संतोष देशमुख हत्या प्रकरणातील (Santosh Deshmukh Murder Case) मुख्य आरोपी वाल्मीक कराडची (Walmik Karad) प्रकृती अचानक खालावली आहे. सध्या वाल्मीक कराडला तुरूंगातून तातडीनं जिल्हा रूग्णालयात उपचारासाठी दाखल करण्यात आलं आहे. आरोपी वाल्मीक कराडला तुरूंगात अचानक अस्वस्थ वाटू लागल्यामुळे त्याला रूग्णालयात दाखल करण्यात आले असे असून सध्या त्याच्यावर उपचार सुरू आहेत.

हेही वाचा – फरार निदा खानचा ठावठिकाणा लागला? अटकेपासून वाचण्यासाठी आखला नवा प्लॅन

वाल्मिक कराडची प्रकृती बिघडली, नेमकं झालं काय?

आरोपी वाल्मीक कराडला अचानक अस्वस्थ वाटू लागल्यामुळे त्याला बीड जिल्हा रूग्णालयात उपचारासाठी दाखल करण्यात आले आहे. तर सध्या वाल्मीक कराडची वैद्यकीय अधिकाऱ्यांकडून तपासणी केली जात आहे. रूग्णालयात कराडच्या चाचण्यांसदर्भात प्रक्रिया सुरू असून याद्वारे त्याला नेमकं काय झालं आहे? हे स्पष्ट होणार आहे.

वाल्मीक कराडच्या वैद्यकीय चाचण्या करण्याची प्रक्रिया सुरू असून सध्या त्याला उपाचारासाठी आयसीयूमध्ये दाखल करण्याची सोय करण्यात आली आहे. तर वाल्मिक कराडची प्रकृती अचानक बिघडल्याने, त्याला नेमकं काय झालं आहे? याबाबत सध्या जोरदार चर्चा सुरू आहेत.

मस्साजोगचे सरपंच संतोष देशमुख हत्या प्रकरणाला आता दीड वर्ष पूर्ण झाले आहे. तर बीडच्या विशेष मकोका न्यायालयामध्ये या प्रकरणाची सुनावणी सुरू आहे. तर या प्रकरणातील सर्व आरोपी सध्या तुरूंगात असून यातील एक आरोपी विष्णू चाटे हा लातूर तुरूंगात आहे. तर बाकी आरोपी बीड जिल्हा तुरूंगात शिक्षा भोगत आहेत. अशातच आता बीड तुरूंगात असलेल्या वाल्मीक कराडची प्रकृती अचानक बिघडली असून चर्चांना उधाण आले आहे.