7.0 Magnitude Earthquake Hits Near USA : शनिवारी अलास्का आणि कॅनेडियन प्रदेश युकोन यांच्या सीमेजवळील एका दुर्गम भागात 7 रिश्टर स्केलचा शक्तिशाली भूकंप झाला. हा भूकंप सुमारे 10 किलोमीटर खोलीवर होता. त्यानंतर अनेक लहान धक्के जाणवले. या शक्तिशाली भूकंपानंतर त्सुनामीचा इशारा देण्यात आलेला नाही. कोणत्याही नुकसानीचं वृत्त नाही.

भूकंप कुठं झाला :

यूएस जिओलॉजिकल सर्व्हेनुसार, हा भूकंप अलास्काच्या वायव्येस सुमारे 370 किलोमीटर आणि युकोनच्या व्हाइटहॉर्सच्या पश्चिमेस 250 किलोमीटर अंतरावर झाला. यूएसजीएसनुसार, हा भूकंप 662 लोकसंख्या असलेल्या अलास्काच्या याकुटाटपासून सुमारे 91 किलोमीटर अंतरावर होता.

BREAKING🚨: Large 7.0 earthquake just occurred along the border of Alaska and western Canada. No tsunami threat expected at this time. I’ll continue to keep you updated. pic.twitter.com/R0MIm9GsAZ

— All day Astronomy (@forallcurious) December 6, 2025

स्थानिक पोलिसांनी काय म्हटलं :

रॉयल कॅनेडियन माउंटेड पोलिस अधिकारी सार्जंट कॅलिस्टा मॅकलॉड म्हणाले की त्यांच्या टीमला या शक्तिशाली भूकंपाबद्दल दोन कॉल आले. मॅकलॉड म्हणाल्या, “भूकंप इतका तीव्र होता की सर्वांना तो जाणवला. लोक सोशल मीडियावर प्रतिक्रिया शेअर करत आहेत.”

हे ही वाचा : सुदानच्या निमलष्करी दलांचा एका किंडरगार्टनवर ड्रोन हल्ला; 33 मुलांसह 50 हून नागरिकांचा मृत्यू

युकोनचा पर्वतीय भाग सर्वाधिक प्रभावित :

कॅनडाच्या नैसर्गिक संसाधन विभागाचे भूकंपशास्त्रज्ञ अ‍ॅलिसन बर्ड म्हणाले की, भूकंपाचा सर्वाधिक परिणाम युकोन प्रदेश डोंगराळ आहे, तिथं खूप कमी लोक राहतात. “बहुतेक लोकांनी शेल्फ आणि भिंतींवरून वस्तू पडल्याचं सांगितलं.” बर्ड म्हणाले, “भूकंपामुळं जास्त नुकसान झालं असं दिसत नाही.”

भूकंपग्रस्त भागाची लोकसंख्या किती :

बर्ड म्हणाले की, भूकंपाच्या केंद्रापासून सर्वात जवळचा कॅनेडियन समुदाय हेन्स जंक्शन होता, जो सुमारे 80 मैल (130 किलोमीटर) अंतरावर होता. युकोन ब्युरो ऑफ स्टॅटिस्टिक्सने 2022 मध्ये त्यांची लोकसंख्या 1018 नोंदवली. यूएसजीएसनुसार, भूकंप अलास्काच्या याकुटाटपासून सुमारे 56 मैल (91 किलोमीटर) अंतरावर झाला, जिथं 662 लोक राहतात. भूकंप 10 किलोमीटर खोलीवर झाला. त्यानंतर अनेक लहान धक्के बसले.