Professor sends obscene message to student : बारामतीच्या माळेगावातील एका डिप्लोमा इंजिनियरिंग महाविद्यालयातील (Diploma Engineering College Baramati) धक्कादायक प्रकार समोर आला आहे. महाविद्यालयातील अल्पवयीन विद्यार्थिनींचा लैंगिक छळ (Sexual harassment of minor students) केल्याप्रकरणी नितीन शंकर तावरे ( वय ४२,रा. सांगवी ता. बारामती ) या प्राध्यापकाविरुद्ध गंभीर स्वरूपाचा गुन्हा (Serious crime against professor) दाखल करण्यात आला आहे. या घटनेनंतर पिडित कुटुंबाने उपमुख्यमंत्री सुनेत्रा पवार यांची भेट घेऊन सर्व प्रकार कानावर घातला असून न्याय देण्याची मागणी केली आहे.

हेही वाचा – धक्कादायक! अजितदादांच्या निधनाचा दुखवटा, अन् ७५ शाळांना अल्पसंख्यांक प्रमाणपत्राची खैरात वाटप

संबंधित प्राध्यापकाने विद्यार्थीनीला अश्लील मेसेज करत, रिप्लाय नाही दिल्यास अंतर्गत मुल्यमापनाचे गुण कमी देऊन नापास करण्याची धमकी दिल्याप्रकरणी त्याच्याविरुद्ध महाविद्यालयाचे प्राचार्य संदीप रमेश शहा यांनी तक्रार दिली आहे. या घटनेमुळे परिसरात मोठी खळबळ उडाली असून पालकवर्गात चिंताग्रस्त आणि भीतीदायक वातावरण निर्माण झाले आहे.

मूल्यमापनातील ३० गुण न देण्याची आणि नापास करण्याची धमकी

याप्रकरणी दाखल तक्रारीनुसार नितीन शंकर तावरे या प्राध्यापकाने प्रथम वर्षातील अल्पवयीन विद्यार्थिनींना त्यांच्या इच्छेविरुद् व्हॉटसअपवर अश्लील संदेश पाठवले. संदेशाना प्रतिसाद न दिल्यास अंतर्गत मूल्यमापनातील ३० गुण न देण्याची आणि नापास करण्याची धमकी देण्यात येत असल्याचेही नमूद करण्यात आलं आहे. तसेच वर्गात शिकवताना विद्यार्थिनींना अयोग्य स्पर्श करणे. जवळ जाण्याचा प्रयत्न करणे, तसेच वर्गात अपमानास्पद वर्तन करणे यासारखे घाणेरडे प्रकार या नराधम शिक्षकाने २२ जानेवारी ते १२ फेब्रवारी २०२६ या कालावधीत पिडित मुलीसोबत केल्याचे तक्रारीत म्हटले आहे.

व्हॅलेंटाईन वीकमध्ये गुलाब, टेडी, चॉकलेट देणे आणि सूचक वक्तव्य

व्हॅलेंटाईन वीकमध्ये गुलाब, टेडी, चॉकलेट देणे आणि सूचक वक्तव्य करणे, असे प्रकारही नितीन तावरे या शिक्षकाने केल्याचे आता मेसेजमधून समोर आले आहे. महाविद्यालयातील हा धक्कादायक प्रकार उघड झाल्यानंतर पीडित व विद्यार्थिनींच्या पालकांनी उपमुख्यमंत्री सूनेत्रा पवार यांची भेट घेऊन घडलेला प्रकार मांडला. या प्रकरणाचे गांभीर्य लक्षात घेऊन संस्थेला तात्काळ तक्रार दाखल करण्याच्या सुचना देण्यात आल्याची माहिती मिळत आहे. त्यानंतर पोलिसांनी पोक्सोसह इतर कलमान्वये आरोपी प्राध्यापकावर गुन्हा केला असून पुढील तपास पोलीस उपनिरीक्षक देविदास साळवे हे करत आहेत.